అక్షరటుడే, వెబ్డెస్క్: Nokia Layoffs 2026 | నోకియా.. కనెక్టింగ్ పిపుల్ ట్యాగ్ లైన్ తో ప్రజలకు చేరువయ్యింది. ఒకప్పుడు ఆ కంపెనీ ఫోన్ చేతిలో ఉంటే గ్రాండ్గా ఫీల్ అయ్యేవారు. అది ఫీచర్ ఫోనే అయినా హస్తభూషణంగా నిలిచింది.
అయితే స్మార్ట్ ఫోన్లు (Smart Phones), అందులోనూ డ్యుయల్ సిమ్ ఫోన్ల రాకతో దాని ప్రాభవం తగ్గింది. ప్రజల నాడిని పసిగట్టడంలో వెనకబడి మార్కెట్పై పట్టును కోల్పోయింది. తర్వాత స్మార్ట్ ఫోన్ల మార్కెట్లోకి పలు మోడళ్లను రిలీజ్ చేసినా.. చైనా కంపెనీలనుంచి పోటీని తట్టుకోలేక కుదేలయ్యింది. ప్రస్తుతం తీవ్ర సంక్షోభంలో కూరుకుపోయింది.
Nokia Layoffs 2026 | ఆదాయంలో భారీ క్షీణత
భారత మార్కెట్ (Indian market) లో నోకియా పనితీరు గణనీయంగా పడిపోయింది. 2025 నాలుగో త్రైమాసికంలో నికర అమ్మకాలు 15 శాతం తగ్గి సుమారు రూ. 4,290 కోట్లకు పరిమితమయ్యాయి. అంతకుముందు ఏడాది ఇదే సమయంలో నికర అమ్మకాలు సుమారు రూ. 5 వేల కోట్లుగా నమోదయ్యాయి. మరోవైపు 2023లో జరిగిన మొబైల్ నెట్వర్క్లు (Mobile networks), క్లౌడ్ సేవల విలీనం వల్ల ఏర్పడిన డూప్లికేషన్(ఒకే పనికి ఇద్దరు) ఉద్యోగులు ఉన్న పరిస్థితి ఏర్పడింది. అమ్మకాల్లో ఈ క్షీణతతోపాటు డూప్లికేషన్ ఉద్యోగాల వల్ల కంపెనీపై భారం పెరిగిపోతోంది. దీంతో లాభదాయకతను పెంచుకోవడానికి ఉద్యోగుల తగ్గింపు ఒక్కటే మార్గమని కంపెనీ భావిస్తోంది.
Nokia Layoffs 2026 | భారత్ విభాగంపైనా ప్రభావం..
నోకియా కంపెనీ (Nokia Company) తన గ్లోబల్ పునర్వ్యవస్థీకరణ ప్రణాళికలో భాగంగా ప్రపంచవ్యాప్తంగా 14,000 మంది ఉద్యోగులను తొలగించాలని నిర్ణయించింది. ఈ లేఆఫ్స్ ప్రభావం భారత్లోని విభాగంపైనా గణనీయంగా పడనుంది. ఎనిమిదేళ్లుగా నోకియా తన ఉద్యోగుల సంఖ్యను తగ్గిస్తూ వస్తోంది. 2018లో 1.03 లక్షల ఉద్యోగులు ఉండగా.. ప్రస్తుతం 74,100కి తగ్గారు. ప్రస్తుతం భారత్లో కంపెనీకి 17 వేల మంది ఉద్యోగులున్నారు. ఇందులో 20 శాతం వరకు ఉద్యోగులను తొలగించే అవకాశాలు ఉన్నాయని భావిస్తున్నారు.
Nokia Layoffs 2026 | నాయకత్వ మార్పులు..
భారత్లోని నాయకత్వ బృందంలోనూ నోకియా కీలక మార్పులు చేసింది. ప్రస్తుతం ఇండియాలో కంపెనీ చీఫ్గా ఉన్న తరుణ్ ఛబ్రా పదవి నుంచి తప్పుకున్నారు. సమర్ మిట్టల్ కంపెనీ ఇండియా కంట్రీ బిజినెస్ లీడర్గా, విభా మెహ్రా ఇండియా కంట్రీ మేనేజర్గా నియమితులయ్యారు. వీరిద్దరూ ఏప్రిల్ 1 న బాధ్యతలు చేపట్టనున్నారు.
ఇది కూడా చదవండి..: Gurukul Entrance Results | గురుకుల ప్రవేశ పరీక్ష ఫలితాలు విడుదల
