అక్షరటుడే, వెబ్డెస్క్ : Oppo K14 5G | చైనాకు చెందిన ప్రముఖ స్మార్ట్ ఫోన్ల (Smart Phones) తయారీ సంస్థ అయిన ఒప్పో భారీ బ్యాటరీతో మరో మోడల్ను భారత మార్కెట్లో విడుదల చేయడానికి సన్నాహాలు చేస్తోంది. గతేడాది విడుదలైన ఒప్పో కే13 5 జీ మోడల్కు అడ్వాన్స్డ్ వర్షన్గా ఒప్పో కే14 ను తీసుకువస్తోంది. దీనిని ఈనెల 9న మధ్యాహ్నం 12 గంటలకు విడుదల చేయనుంది.
దీనికి సంబంధించిన పోస్టర్ను కంపెనీ ఎక్స్ ఖాతాలో పోస్ట్ చేసింది. ఫ్లిప్కార్ట్ (Flipkart)లో అందుబాటులో ఉండనుంది. ఆన్లైన్ ప్లాట్ఫాంలలో అందుబాటులో ఉన్న సమాచారం మేరకు ఈ మోడల్ స్పెసిఫికేషన్లు ఇలా ఉండే అవకాశాలున్నాయి.
డిస్ప్లే : 6.7 ఇంచ్ అమోలెడ్ డిస్ప్లేతో వస్తున్న ఈ ఫోన్.. 120 హెడ్జ్ రిఫ్రెష్ రేట్, 2400 * 1080 పిక్సల్స్ రిజల్యూషన్ను సపోర్ట్ చేస్తుంది.
ఐపీ68 /ఐపీ69 డస్ట్, వాటర్ రెసిస్టెంట్ రేటింగ్ కలిగి ఉంది.
Oppo K14 5G | స్నాప్ డ్రాగన్ 7 జెన్
సాఫ్ట్వేర్ స్నాప్ డ్రాగన్ 7 జెన్ 3 ప్రాసెసర్ అమర్చారు. ఇది ఆండ్రాయిడ్ 16 ఆధారిత కలర్ ఓఎస్ 16 ఆపరేటింగ్ సిస్టంతో పనిచేస్తుంది.
Oppo K14 5G | కెమెరా సెటప్..
వెనకవైపు 64 మెగా పిక్సెల్ మెయిన్ కెమెరాతో పాటు, 50 మెగా పిక్సెల్ అల్ట్రా వైడ్ కెమెరా, 2 మెగా పిక్సెల్ డెప్త్ సెన్సార్ తో కూడిన ట్రిపుల్ కెమెరా సెట్ అప్ ఉంది. ముందువైపు సెల్ఫీలు, వీడియో కాల్స్ కోసం 5 మెగా పిక్సెల్ సెల్ఫీ కెమెరా ఇచ్చారు.
బ్యాటరీ సామర్థ్యం..
7000 ఎంఏహెచ్ బ్యాటరీ ఇచ్చారు. ఇది 45డబ్ల్యూ ఫాస్ట్ చార్జింగ్ సపోర్ట్ చేస్తుంది.
వేరియంట్స్..
పర్పుల్, వైట్ కలర్స్లో రెండు వేరియంట్లలో లభిస్తుంది. 8 జీబీ ర్యామ్, 128 జీబీ ఇంటర్నల్ స్టోరేజ్, 8 జీబీ ర్యామ్, 256 జీబీ ఇంటర్నల్ స్టోరేజ్ వేరియంట్స్ అందుబాటులో ఉండనున్నాయి. బేస్ వేరియంట్ ధర రూ. 18,990 లుగా ఉండే అవకాశాలున్నట్లు తెలుస్తోంది.
ఇది కూడా చదవండి..: IQOO 15R 5G | శక్తిమంతమైన ప్రాసెసర్తో ఐక్యూ ఫోన్.. ఆ కార్డులతో రూ. 4 వేల వరకు తగ్గింపు
