అక్షరటుడే, వెబ్డెస్క్: Petrol Shortage Rumors | పశ్చిమాసియాలో ఉద్రిక్తతల నేపథ్యంలో రాష్ట్రంలో పెట్రోల్, డీజిల్ కొరత వస్తుందని పుకార్లు వ్యాపించాయి. దీంతో వాహనదారులు బంక్లకు బారులు తీరారు. హైదరాబాద్ (Hyderabad) నగరంతో పాటు రాష్ట్రంలోని అన్ని బంక్ల్లో వాహనదారుల రద్దీ నెలకొంది.
యుద్ధం ప్రభావంతో చమురు సరఫరాలో అంతరాయం నెలకొన్న విషయం తెలిసిందే. గల్ఫ్ దేశాల నుంచి ముడి చమురు రవాణా నిలిచిపోయింది. దీంతో కేంద్ర ప్రభుత్వం (Central Government) ఇతర దేశాల నుంచి దిగుమతులను పెంచింది. అయినా కూడా పెట్రోల్, డీజిల్ దొరకదని పుకార్లు వ్యాపించాయి. వాహనదారులు పెద్ద ఎత్తున బంక్లకు బారులు తీరారు. పలు బంక్ల్లో నో స్టాక్ బోర్డులు దర్శనం ఇస్తున్నాయి. దీంతో పెట్రోల్ ఉన్న బంక్లకు వాహనదారులు పరుగులు పెడుతున్నారు.
Petrol Shortage Rumors | కిలోమీటర్ల మేర క్యూ..
ప్రజలు భయంతో అవసరానికి మించి పెట్రోల్ కొనుగోలు చేస్తున్నారు. దీంతో పలు బంక్ల్లో స్టాక్ అయిపోయింది. మిగతా బంక్ల్లో కూడా స్టాక్ అయిపోతే తమకు ఇంధనం దొరకదేమోనని ప్రజలు భారీగా బారులు తీరారు. హైదరాబాద్ శివారులోని తెలంగాణ పోలీసు అకాడమీ వద్ద గత ఓ బంక్లో కిలోమీటర్ల మేర వాహనాలు నిలిచిపోయాయి. రాష్ట్రవ్యాప్తంగా ఇదే పరిస్థితి నెలకొంది. ధరలు పెరిగే అవకాశం ఉందని ప్రజలు ఆందోళన చెందుతున్నారు. పెట్రోల్ కోసం వాహనాలు బారులు తీరడంతో పలు ప్రాంతాల్లో ట్రాఫిక్ నిలిచిపోయింది.
Petrol Shortage Rumors | కొరతకు కారణమిదే..
హైదరాబాద్లో కొనసాగుతున్న పెట్రోల్, డీజిల్ కొరతకు హెచ్పీసీఎల్, బీపీసీఎల్, ఐఓసీఎల్ ఆయిల్ మార్కెటింగ్ కంపెనీలే కారణమని తెలుస్తోంది. చమురు కంపెనీలు, పెట్రోల్ పంపు యజమానుల మధ్య ఉన్న వివాదం కారణంగా కొరత ఏర్పడిందని సమాచారం. దీంతో హైదరాబాద్లోని పలు బంక్ల్లో నో స్టాక్ బోర్డు దర్శనం ఇస్తోంది. రెండు రోజులుగా చమురు కంపెనీలు ఇంధనం కొనుగోళ్లకు క్రెడిట్ సౌకర్యాన్ని నిలిపివేశాయి. పెట్రోల్ బంక్లు (Petrol Bunks) క్రెడిట్పై ఇంధనాన్ని పొంది రెండు రోజుల తర్వాత చమురు కంపెనీలకు డబ్బులు చెల్లించేవి.
Petrol Shortage Rumors | అడ్వాన్స్గా చెల్లింపులు
చమురు కంపెనీలు ఇంధనాన్ని సరఫరా చేయడానికి అడ్వాన్స్ చెల్లింపును తప్పనిసరి చేశాయి. ఇటీవల కొత్త నిబంధనను ప్రవేశ పెట్టాయి. పాత బకాయిలను చెల్లించాలని, కొత్త స్టాక్ కోసం ముందుగానే డబ్బులు ఇవ్వాలని చెప్పడంతో అనేక బంక్లు తమ కార్యకలాపాలను నిలిపివేశాయి.
Petrol Shortage Rumors | కొరత లేదు
రాష్ట్రంలో పెట్రోల్, డీజిల్, వంటగ్యాస్కు కొరత లేదని పౌరసరఫరాల శాఖ అధికారులు తెలిపారు. ప్రజలు భయపడి, అవసరానికి మించి కొనుగోలు చేయొద్దని సూచించారు. రాష్ట్ర అవసరాలకు సరిపడా నిల్వలు ఉన్నాయన్నారు. వదంతులతోనే పెట్రోల్ బంక్ల వద్ద క్యూలైన్లు దర్శనం ఇస్తున్నాయని తెలిపారు.
MORE QUEUES!!!
THIS TIME FOR PETROL & DIESEL!
While there are considerable queues at LPG centers, since yesterday there are frustratingly longer & more panic inducing queues at petrol bunks across the city.
Almost 50 percent petrol bunks in Hyderabad have “no stock” boards!… pic.twitter.com/eYvJL11LfO
— Revathi (@revathitweets) March 25, 2026
ఇది కూడా చదవండి..: LPG Booking Rules | సిలిండర్ బుకింగ్ రూల్స్ మరింత కఠినతరం!
