Prajavani Complaints | ప్రజావాణికి ఫిర్యాదుల వెల్లువ

అక్షరటుడే, నిజామాబాద్ అర్బన్​: Prajavani Complaints | ప్రజా సమస్యల సత్వర పరిష్కారం కోసం నిర్వహిస్తున్న ప్రజావాణి కార్యక్రమానికి ఫిర్యాదులు వెల్లువెత్తాయి. ఈ మేరకు సోమవారం పలువురు బాధితులు కలెక్టరేట్​కు తరలివచ్చారు.

Prajavani Complaints | వెనువెంటనే పరిష్కరించాలి..

సంబంధిత అధికారులు అర్జీలకు ప్రాధాన్యతనిస్తూ ఫిర్యాదులను వెనువెంటనే పరిష్కరించాలని కలెక్టర్ ఇలా త్రిపాఠి (Collector Ila Tripathi) అధికారులను ఆదేశించారు. ఈ సందర్భంగా ప్రజావాణి కార్యక్రమానికి 140 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన ఫిర్యాదుదారులు తమ సమస్యలను కలెక్టర్​తో పాటు, అదనపు కలెక్టర్ కిరణ్ కుమార్ (Additional Collector Kiran Kumar), ఇన్​ఛార్జి అదనపు కలెక్టర్ దిలీప్ కుమార్, సబ్ కలెక్టర్లు వికాస్ మహతో, అభిగ్యాన్ మాల్వియా, డీఆర్డీవో సాయాగౌడ్, ఆర్డీవో రాజేంద్ర కుమార్, నిజామాబాద్ ఏసీపీ ప్రకాష్​లకు విన్నవిస్తూ అర్జీలు సమర్పించారు. కాగా, అర్జీలను పెండింగ్​లో పెట్టకుండా ఎప్పటికప్పుడు పరిశీలన జరుపుతూ, సమస్యలను పరిష్కరించాలని కలెక్టర్ అధికారులను ఆదేశించారు. కార్యక్రమంలో వివిధ శాఖల అధికారులు పాల్గొన్నారు.

ఇది కూడా చదవండి..: Gold Price Drop | సామాన్యులకు ఊరట.. భారీగా తగ్గిన పసిడి