అక్షరటుడే, వెబ్డెస్క్ : Qatar Iran Missile | మిడిల్ ఈస్ట్ (Middle East) రగిలిపోతుంది. సైరన్లో మోత.. బాంబుల పేలుళ్లతో ప్రజలు ఆందోళన చెందుతున్నారు. ఏ క్షణం ఎక్కడ మిసైల్ పడుతుందో తెలియని పరిస్థితి నెలకొంది.
తమపై ఇజ్రాయెల్ (Israel), అమెరికా దాడి చేయడంతో ఇరాన్ (Iran) ప్రతీకార దాడులకు దిగింది. ఇజ్రాయెల్తో పాటు గల్ఫ్ దేశాల్లోని అమెరికా సైనిక స్థావరాలపై మిసైళ్లను ప్రయోగించింది. పలు క్షిపణులను ఆయా దేశాల గగనతల రక్షణ వ్యవస్థలు మధ్యలో అడ్డుకుంటున్నాయి. కొన్ని మిసైళ్లు మాత్రం జనావాసాలపై పడుతున్నాయి. తాజాగా ఖతార్లో ఓ మిసైల్ పడింది. ఇందుకు సంబంధించిన వీడియో సోషల్ మీడియాలో వైరల్గా మారింది.
Qatar Iran Missile | దోహాలో..
ఖతార్ రాజధాని దోహా (Doha)లో మిసైల్ పడింది. ఆకాశం నుంచి క్షిపణి దూసుకు వస్తుండటం చూసి ప్రజలు భయంతో పరుగులు తీశారు. ఆ క్షిపణి రోడ్డుపై పడింది. దీంతో పెద్ద ఎత్తున పేలుడు చోటు చేసుకుంది. అయితే ఈ ఘటనలో ప్రాణనష్టం గురించి వివరాలు తెలియరాలేదు. మరోమైపు దుబాయ్లో సైతం మూడు భారీ పేలుళ్లు చోటు చేసుకున్నట్లు పలు వార్త సంస్థలు పేర్కొన్నాయి.
Qatar Iran Missile | ఖమేనీ సేఫ్
ఇజ్రాయెలల్ దాడుల్లో సుప్రీం లీడర్ అయతొల్లా అలీ ఖమేనీ చనిపోయాడంటూ ఆ దేశ మీడియాలో వార్తలు వచ్చాయి. అయితే తమ సుప్రీం లీడర్ సురక్షితంగా ఉన్నారని ఇరాన్ ఆర్థికమంత్రి ప్రకటించారు. ఇరాన్ అధ్యక్షుడితోపాటు ఉన్నతాధికారులంతా సురక్షితమని ప్రకటించారు. కాగా ఇజ్రాయెల్ దాడుల్లో ఖమేనీ నివాసం నేలమట్టం అయిన విషయం తెలిసిందే. అంతకు ముందే ఆయనను అధికారులు సురక్షిత ప్రాంతానికి తరలించినట్లు సమాచారం.
స్వదేశానికి తీసుకెళ్లండి
పెరుగుతున్న ఉద్రిక్తతల మధ్య టెహ్రాన్లోని ఒక భారతీయ విద్యార్థిని తమను తీసుకెళ్లాలని ప్రభుత్వాన్ని కోరింది. టెహ్రాన్లో ఉన్న ఓ విద్యార్థిని సోషల్ మీడియాలో వీడియో పోస్ట్ చేసింది. టెహ్రాన్లో పరిస్థితి దారుణంగా ఉందని ఆమె ఆవేదన వ్యక్తం చేశారు. ఎప్పుడు ఏం జరుగుతుందో తెలియడం లేదని పేర్కొంది. వీలైనంత త్వరగా తమను ఇండియాకు తీసుకు వెళ్లాలని ఆమె కోరింది. దయచేసి పరిస్థితి మరింత దిగజారే వరకు వేచి ఉండకండి అని అభ్యర్థించింది.
ఇది కూడా చదవండి : Dubai Iran Attacks | దుబాయ్పై ఇరాన్ దాడులు.. బుర్జ్ ఖలీఫా ఖాళీ
JUST IN: 🇶🇦🇮🇷 Footage shows intercepted Iranian ballistic missile crashing and exploding into a residential area in Qatar. pic.twitter.com/aye5QD04dG
— BRICS News (@BRICSinfo) February 28, 2026
