అక్షరటుడే, వెబ్డెస్క్: Raghav Chadha | ఆమ్ ఆద్మీ పార్టీ (AAP)కి గట్టి దెబ్బ తగలనుందా.. అంటే అవుననే అంటున్నారు రాజకీయ విశ్లేషకులు. ఆ పార్టీకి చెందిన రాజ్యసభ సభ్యుడు Raghav Chadha బీజేపీలో చేరనున్నారంటూ ఢిల్లీ రాజకీయ వర్గాల్లో జోరుగా ఊహాగానాలు వినిపిస్తున్నాయి. పార్టీ అంతర్గత విభేదాల నేపథ్యంలో ఈ ప్రచారానికి ప్రాధాన్యం సంతరించుకుంది.
Raghav Chadha | ట్వీట్లు మాయం..
సోషల్ మీడియా వేదిక X లో రాఘవ్ చడ్డా గతంలో చేసిన కొన్ని ట్వీట్లు ఇటీవల కనిపించకపోవడం చర్చకు దారితీసింది. ముఖ్యంగా బీజేపీ, ప్రధాని Narendra Modi పై విమర్శనాత్మకంగా చేసిన పోస్టులు తొలగించినట్లు తెలుస్తోంది.
ఆప్ ఢిల్లీ చీఫ్ కామెంట్..
చడ్డా అంశంపై ఆప్ ఢిల్లీ చీఫ్ Saurabh Bharadwaj స్పందిస్తూ ఆసక్తికరంగా వ్యాఖ్యానించారు. “Xలో రాఘవ్ టైమ్లైన్ను పరిశీలించి చూశాను. BJP, మోదీకి సంబంధించిన విమర్శనాత్మక పోస్టులు ఇప్పుడు కనిపించలేదు. అంటే పాత ట్వీట్లు తొలగించినట్టేనని స్పష్టం అవుతోంది. కాగా, ప్రధాని మోదీని ప్రశంసించిన రెండు పోస్టులు మాత్రం అలాగే ఉంచారు..” అంటూ ఆయన ట్వీట్ చేశారు.
ఇది కూడా చదవండి: DSP Transfers State | తెలంగాణ రాష్ట్రంలో పలువురు డీఎస్పీల బదిలీ
