అక్షరటుడే, వెబ్డెస్క్ : Ram Charan Peddhi Teaser | మెగా పవర్ స్టార్ రామ్ చరణ్ ప్రస్తుతం నటిస్తున్న ప్రతిష్టాత్మక చిత్రం ‘పెద్ది’పై రోజురోజుకీ అంచనాలు పెరుగుతున్నాయి. ‘ఉప్పెన’తో దర్శకుడిగా సత్తా చాటిన బుచ్చిబాబు సానా ఈ సినిమాను తెరకెక్కిస్తుండగా, బాలీవుడ్ స్టార్ జాన్వీ కపూర్ (Janhvi Kapoor) కథానాయికగా నటిస్తోంది. అలాగే కన్నడ స్టార్ శివరాజ్ కుమార్ కీలక పాత్రలో కనిపించనున్నారు.
సంగీత మాంత్రికుడు ఏఆర్ రెహమాన్ (A.R. Rahman) సంగీతం అందిస్తుండటంతో ఈ ప్రాజెక్ట్కు మరింత క్రేజ్ వచ్చింది. ఇప్పటికే విడుదలైన పోస్టర్స్, గ్లింప్స్, పాటలు ప్రేక్షకులను విశేషంగా ఆకట్టుకున్నాయి. ముఖ్యంగా పాటలు యూట్యూబ్లో మిలియన్ల వ్యూస్ సాధిస్తూ ట్రెండ్ అవుతున్నాయి. దీంతో ‘పెద్ది’పై అభిమానుల్లో భారీ ఆసక్తి నెలకొంది.
Ram Charan Peddhi Teaser | సినిమాపై హైప్ తెచ్చిన టీజర్..
ఇక రామ్ చరణ్ (Ram Charan) పుట్టినరోజు సందర్భంగా విడుదలైన తాజా టీజర్ సినిమాకు మరింత హైప్ తీసుకువచ్చింది. ఈ వీడియోలో చరణ్ మాస్ అవతార్లో అదిరిపోయే లుక్లో కనిపించారు. గద పట్టుకుని, కండలు తిరిగిన దేహంతో కుస్తీ యోధుడిగా కనిపించిన తీరు అభిమానులను ఉర్రూతలూగిస్తోంది. “ఆటే నా ప్రాణం” అనే డైలాగ్ ప్రత్యేక ఆకర్షణగా నిలిచింది. ఈ టీజర్ చూస్తే చరణ్ ఈ సినిమాలో నట విశ్వరూపం చూపించనున్నాడని స్పష్టంగా తెలుస్తోంది. గ్రామీణ నేపథ్యంలో క్రీడలతో ముడిపడి ఉన్న ఈ కథలో ఆయన పాత్రకు భారీ స్కోప్ ఉన్నట్లు తెలుస్తోంది.
Ram Charan Peddhi Teaser | ‘పెద్ది’లో మరోసారి అదే స్థాయిలో
గతంలో రంగస్థలం సినిమాలో మాస్ లుక్లో మెప్పించిన చరణ్, ఇప్పుడు ‘పెద్ది’లో మరోసారి అదే స్థాయిలో అలరించనున్నాడని అభిమానులు భావిస్తున్నారు. ముఖ్యంగా ‘గేమ్ ఛేంజర్’ తర్వాత ఈ సినిమాతో బలమైన కమ్బ్యాక్ ఇవ్వాలని ఫ్యాన్స్ ఆశిస్తున్నారు. భారీ బడ్జెట్తో తెరకెక్కుతున్న ఈ చిత్రం ఏప్రిల్ 30న ప్రపంచవ్యాప్తంగా గ్రాండ్గా విడుదల కానుంది. టీజర్తోనే భారీ అంచనాలు సృష్టించిన ‘పెద్ది’, బాక్సాఫీస్ వద్ద ఎలాంటి సంచలనాలు సృష్టిస్తుందో చూడాల్సి ఉంది.
ఇది కూడా చదవండి : Vijay Rashmika honeymoon | హనీమూన్ ఎంజాయ్ చేస్తున్న విజయ్-రష్మిక.. స్పెషల్ వీడియోతో షాక్ ఇచ్చిన విరోష్ జంట
