అక్షరటుడే, నిజామాబాద్ క్రైం: Ram Navami Rally Rules | శ్రీరామ నవమి సందర్భంగా నిర్వహించే ర్యాలీల్లో సామాన్య ప్రజలకు ఇబ్బంది కలగకుండా చూడాలని సీపీ సాయి చైతన్య (CP Sai Chaitanya) పేర్కొన్నారు. పోలీస్ కమీషనరేట్ కార్యాలయంలోని కమాండ్ కంట్రోల్ హాల్లో గురువారం సీపీ శ్రీరామనవమి, హనుమాన్ ర్యాలీ నిర్వహకులతో సమావేశం నిర్వహించారు.
Ram Navami Rally Rules | నియమనిబంధనలు పాటించాలి..
ఈ సందర్భంగా సీపీ మాట్లాడుతూ.. ర్యాలీలో పోలీస్ నియమ నిబంధనలు తూచా తప్పకుండా పాటించాలన్నారు. ప్రతిఒక్కరూ ప్రశాంతంగా భక్తిశ్రద్ధలతో ఉత్సవాలను జరుపుకోవాలని సూచించారు. ఇతరులకు, సామాన్య ప్రజలకు ఇబ్బంది కలగకుండా చూడాలని కోరారు. ఎవరైనా చట్ట వ్యతిరేకంగా ప్రవర్తిస్తే చర్యలు తీసుకుంటామన్నారు. శ్రీరామ నవమి (Sri Rama Navami), హనుమాన్ జయంతి శోభాయాత్రను గత ఏడాది జరిగిన మాదిరిగానే ఆయా రూట్లలోనే అనుమతి ఉందన్నారు.
Ram Navami Rally Rules | డీజేలకు అనుమతి లేదు..
శ్రీరామ నవమి, హనుమాన్ ర్యాలీలకు (Hanuman Rally) కొత్త రూట్లలో అనుమతి లేదని సీపీ తెలిపారు. నిర్వాహకులు తప్పనిసరి వలంటీర్లను ఏర్పాటు చేసుకోవాలని సూచించారు. డీజే సౌండ్ సిస్టం పూర్తిగా నిషేధమన్నారు. డ్రోన్లు వాడకం నిషేధమని తెలిపారు. సమావేశంలో ర్యాలీ ఆర్గనైజర్లు, సందేహాలు, సలహాలు పోలీస్ కమిషనర్ స్వీకరించారు. సమావేశంలో అదనపు డీసీపీ (అడ్మిన్) బస్వారెడ్డి, నిజామాబాద్ టౌన్ ఏసీపీ ప్రకాష్, స్పెషల్ బ్రాంచ్ ఇన్స్పెక్టర్ శ్రీశైలం, సీఐలు, ఎస్సైలు, విశ్వహిందూ పరిషత్, బజరంగ్దల్, ఆర్య సమాజ్, హిందువాహిని, ఏబీవీపీ తదితరులు పాల్గొన్నారు.
ఇది కూడా చదవండి..: School Attendance Improvement | పాఠశాలల్లో గైర్హాజరును తగ్గించాలి..: సబ్ కలెక్టర్ వికాస్ మహతో
