అక్షరటుడే, హైదరాబాద్: Ramakrishna Rao Extension | తెలంగాణ చీఫ్ సెక్రటరీ కే.రామకృష్ణరావు పదవీ కాలాన్ని మరో మూడు నెలల పాటు పొడగించేందుకు కేంద్రం సానుకూలంగా ఉన్నట్లు తెలుస్తోంది. ఈ మేరకు కేంద్ర ప్రభుత్వం నుంచి సంకేతాలు అందినట్లు సమాచారం. మరో రెండు, మూడు రోజుల్లో ఉత్తర్వులు వెలువడే అవకాశం ఉన్నట్లు అధికార పార్టీలో జరుగుతోంది.
Ramakrishna Rao Extension | ఈ నెలతో ముగింపు..
ప్రస్తుత సీఎస్ రామకృష్ణారావు CS Ramakrishna Rao పదవీ కాలం ఈ నెల (మార్చి) 31వ తేదీతో ముగియనుంది. కాగా, ఆయన సర్వీసును పొడిగించాలని కోరుతూ ముఖ్యమంత్రి రేవంత్ రెడ్డి ఈ నెల 5వ తేదీన కేంద్రానికి లేఖ రాశారు.
కేంద్ర హోంమంత్రి అమిత్ షాను ఇటీవల ఢిల్లీలో కలిసిన సందర్భంలోనూ రామకృష్ణారావు పదవీ కాలాన్ని పొడగించాలని సీఎం విన్నవించినట్లు తెలిసింది. ఈ నేపథ్యంలో కేంద్ర ప్రభుత్వం సానుకూలంగా స్పందించినట్లు సమాచారం.
Ramakrishna Rao Extension | గతేడాది నుంచి పొడిగిస్తూ..
సీఎస్ రామకృష్ణారావు గతేడాది ఏప్రిల్ 30 నుంచి పదవిలో కొనసాగుతున్నారు. ఆయన పదవీ కాలం గతేడాది ఆగష్టు 31వ తేదీనే ముగిసింది. కాగా, (హోంశాఖ పరిధిలోని డీఓపీటీ) ఏడు నెలల పాటు పదవీ కాలాన్ని పొడిగిస్తూ నిర్ణయం తీసుకున్నారు.
