అక్షరటుడే, నిజామాబాద్ అర్బన్: Ramzan Celebrations Nizamabad | ఉమ్మడిజిల్లాలో రంజాన్ వేడుకలను (Ramzan Celebrations) భక్తి శ్రద్ధలతో జరుపుకున్నారు. ఈద్గాలు, మసీదుల్లో ప్రత్యేక ప్రార్థనలు చేశారు. ఉదయం ఈద్గాలు, మసీదుల వద్దకు వెళ్లి ప్రత్యేక ప్రార్థనలు చేశారు. ఒకరినొకరు ఆలింగనం చేసుకుని శుభాకాంక్షలు తెలియజేశారు. ఈ సందర్భంగా ఈద్గాల వద్ద ఖురాన్ సందేశాన్ని వినిపించారు.
Ramzan Celebrations Nizamabad | నగరంలోని ఖిల్లా ఈద్గా వద్ద..
నగరంలోని ఖిల్లా ఈద్గా (Qilla Eidgah) వద్ద ఉదయం నుంచి సందడి నెలకొంది. మైనారిటీలు పెద్దఎత్తున తరలివచ్చి ప్రార్థనలు చేశారు. నెలరోజుల ఉపవాస దీక్షలను పూర్తిచేసుకున్న వీరు సామూహికంగా ప్రార్థనలు చేశారు. ప్రపంచ శాంతి, సోదరభావం పెంపొందాలని కోరుతూ దువా చేశారు.
Ramzan Celebrations Nizamabad | కొత్త దుస్తుల్లో చిన్నారుల సందడి..
పిల్లలు, పెద్దలు కొత్త దుస్తులతో సందడి చేయగా.. ఇళ్లలో ప్రత్యేక వంటకాలు.. పిండివంటలు తయారు చేశారు. తమ స్నేహితులను, బంధువులను ఇళ్లకు పిలిచి ఆతిథ్యం ఇచ్చారు. దీంతో మైనారిటీ కాలనీల్లో సందడి నెలకొంది.
Ramzan Celebrations Nizamabad | శుభాకాంక్షలు తెలిపిన మేయర్ దంపతులు..
నగరంలోని ఖిల్లా ఈద్గా వద్ద మేయర్ ఉమారాణి (Mayor Umarani), కరాటే రమేశ్ దంపతులు మైనారిటీలుకు రంజాన్ శుభాకాంక్షలు తెలియజేశారు. అన్ని మతాలు ఒక్కటేనని.. అందరూ సుఖశాంతులతో మెలగాలని పేర్కొన్నారు. కార్యక్రమంలో డిప్యూటీ మేయర్ భర్త షకీల్, ఉర్దూ అకాడమీ ఛైర్మన్ తాహెర్ బిన్ హందాన్, కాంగ్రెస్ సీనియర్ నాయకులు నరాల రత్నాకర్, రాష్ట్ర నాయకులు రాంభూపాల్ తదితరులు పాల్గొన్నారు.
ఇది కూడా చదవండి..: Telangana Budget Criticism | అన్ని రంగాలను విస్మరించిన బడ్జెట్ : అర్భన్ ఎమ్మెల్యే ధన్పల్
