అక్షరటుడే, కామారెడ్డి: Ramzan charity message | ఆకలి విలువ తెలుసుకుంటూ పేదలకు సహాయం చేయడమే రంజాన్ పండుగ పరమార్థమని ప్రభుత్వ సలహాదారు షబ్బీర్ అలీ (Shabbir Ali) అన్నారు. రంజాన్ సందర్భంగా పట్టణంలోని ఆర్డీవో కార్యాలయం వద్ద ఓల్డ్ ఈద్గాలో రంజాన్ వేడుకల్లో ఆయన పాల్గొన్నారు.
Ramzan charity message | ముస్లిం మత పెద్దలతో కలిసి..
ముస్లిం మత పెద్దలతో కలిసి ప్రత్యేక ప్రార్ధనలు చేశారు. రంజాన్ శుభాకాంక్షలు తెలిపారు. ఈ సందర్భంగా షబ్బీర్ అలీ మాట్లాడుతూ.. తెలంగాణ (Telangana) రాష్ట్రవ్యాప్తంగా ఉన్న ముస్లింలందరికీ రంజాన్ శుభాకాంక్షలు తెలిపారు. రంజాన్ మాసం క్రమశిక్షణ, దాతృత్వం, సహనానికి నిలువుటద్దమని పేర్కొన్నారు. గంగా-జమునా తెహజీబ్ సంస్కృతితో అందరూ కలిసి మెలిసి పండుగను జరుపుకోవడం సంతోషకరమన్నారు. రాష్ట్ర ప్రజలందరూ సుఖసంతోషాలతో ఉండాలని, అల్లాహ్ దీవెనలు అందరిపై ఉండాలని ఆయన ఆకాంక్షించారు.
Ramzan charity message | షబ్బీర్ అలీకి ఎస్పీ విషెస్..
రంజాన్ సందర్భంగా ఆర్డీవో కార్యాలయం (RDO Office) వద్ద ఏర్పాటు చేసిన వేడుకల్లో జిల్లా ఎస్పీ రాజేష్ చంద్ర పాల్గొన్నారు. వేడుకల సందర్భంగా ఏర్పాటు చేసిన బందోబస్తును స్వయంగా పరిశీలించారు. ప్రభుత్వ సలహాదారు షబ్బీర్ అలీని కలిసి రంజాన్ శుభాకాంక్షలు తెలిపారు. ఎస్పీతో పాటు కామారెడ్డి సబ్ డివిజన్ ఏఎస్పీ చైతన్య రెడ్డి, మున్సిపల్ ఛైర్పర్సన్ ఇప్ప ఉమారాణి దంపతులు షబ్బీర్ ఆలీకి శుభాకాంక్షలు తెలిపారు.
షబ్బీర్ అలీకి రంజాన్ శుభాకాంక్షలు
అక్షటుడే, ఎల్లారెడ్డి: ప్రభుత్వ సలహాదారు షబ్బీర్ అలీకి డీసీసీ అధ్యక్షుడు ఏలే మల్లికార్జున్, డీసీసీ ప్రధాన కార్యదర్శి మోతీలాల్ రంజాన్ శుభాకాంక్షలు తెలియజేశారు. ఈ సందర్భంగా ఇద్దరూ పరస్పరం శుభాకాంక్షలు తెలుపుకున్నారు. అనంతరం డీసీసీ అధ్యక్షుడు ఏలే మల్లికార్జున్ కామారెడ్డి జిల్లావ్యాప్తంగా ఉన్న ముస్లింలకు శుభాకాంక్షలు తెలియజేశారు.
ఇది కూడా చదవండి..: Ramzan celebrations MLAs | రంజాన్ వేడుకల్లో పాల్గొన్న ఎమ్మెల్యేలు..
