అక్షరటుడే, వెబ్డెస్క్: Realme Narzo Power 5G | ప్రముఖ స్మార్ట్ఫోన్ (Smartphone) కంపెనీలు పెద్ద బ్యాటరీలపై దృష్టిసారించాయి. ఏకంగా పదివేల ఎంఏహెచ్ సామర్థ్యం గల బ్యాటరీలను తమ కస్టమర్లకోసం తీసుకువస్తున్నాయి. చైనాకు చెందిన రియల్మీ (Realme) సైతం ఈ రేంజ్ ఫోన్లపై ఫోకస్ చేసింది. ఇటీవలే 10,001 ఎంఏహెచ్ బ్యాటరీ సామర్థ్యం గల రియల్మీ పీ4 పవర్ అనే ఫోన్ను విడుదల చేసిన విషయం తెలిసింది.
ఇంత పెద్ద బ్యాటరీతో మరో కొత్త మోడల్ను రిలీజ్ చేయడానికి సన్నద్ధమవుతోంది. మిడ్ రేంజ్ సెగ్మెంట్లో రియల్మీ నార్జో పవర్ 5 జీ పేరుతో వచ్చేనెల 5న మధ్యాహ్నం 12 గంటలకు భారత్ మార్కెట్లో రిలీజ్ చేయనుంది. అమెజాన్, రియల్మీ వెబ్సైట్లతో పాటు ఆఫ్లైన్ స్టోర్లలోనూ అందుబాటులో ఉంటాయి. ఆన్లైన్ ప్లాట్ఫాంలలో లీకైన సమాచారం మేరకు ఈ ఫోన్ స్పెసిఫికేషన్లు ఇలా ఉండే అవకాశాలున్నాయి.
Realme Narzo Power 5G | డిస్ప్లే :
6.8 అంగుళాల 4 కర్వ్డ్ అమోలెడ్ స్క్రీన్ అడాప్టివ్ రిఫ్రెష్ రేట్ 144 హెచ్జెడ్తో తీసుకువస్తున్నారు. 6500 నిట్స్ పీక్ బ్రైట్నెస్ను అందిస్తుంది. సూర్యకాంతిలోనూ స్పష్టంగా డిస్ప్లే కనిపిస్తుంది. ఐపీ66/68/69 రేటింగ్స్తో వాటర్, డస్ట్ నుంచి తట్టుకుంటుంది.
Realme Narzo Power 5G | బ్యాటరీ సామర్థ్యం :
10,001 ఎంఏహెచ్ సామర్థ్యం గల భారీ బ్యాటరీని అమర్చారు. సింగిల్ చార్జ్తో 2 రోజుల వరకు ఉపయోగించవచ్చని కంపెనీ చెబుతోంది. 80డబ్ల్యూ ఫాస్ట్ చార్జింగ్ సపోర్ట్ ఉంది. 27డబ్ల్యూ వైర్డ్ రివర్స్ చార్జింగ్ సౌలభ్యం కూడా ఉంది. అంటే ఈ ఫోన్తో ఇతర ఫోన్లను కూడా చార్జ్ చేయవచ్చు. 185.7 గంటల మ్యూజిక్ ప్లేబ్యాక్, 72.3 గంటల కాలింగ్, 32.5 గంటల యూట్యూబ్ ప్లే చేయవచ్చని కంపెనీ తెలిపింది. 36 నిమిషాలలో 50 శాతం బ్యాటరీ చార్జ్ అవుతుందని పేర్కొంది.
సాఫ్ట్వేర్ : మీడియాటెక్ డైమెన్సిటీ 7400 అల్ట్రా 5జీ చిప్సెట్ ఉపయోగించారు. ఎల్పీడీడీఆర్4ఎక్స్ ర్యామ్ మరియు యూఎఫ్ఎస్ 3.1 స్టోరేజ్ ఉన్నాయి. ఆండ్రాయిడ్ 16 ఆధారిత రియల్మీ యూఐ 7.0 సాఫ్ట్వేర్తో పనిచేస్తుంది. మూడేళ్లపాటు ఓఎస్, నాలుగేళ్లపాటు సెక్యూరిటీ అప్డేట్స్ అందించనుంది.
కెమెరా సెటప్ : 50 మెగాపిక్సెల్ సోనీ IMX882 ఓఐఎస్ ప్రైమరీ సెన్సార్తో పాటు 8 మెగాపిక్సెల్ అల్ట్రా వైడ్ సెన్సార్ ఉన్నాయి. ఇవి 4కే వీడియో రికార్డింగ్ సపోర్ట్ ఉంటుంది. ముందువైపు 16 మెగాపిక్సెల్ సెల్ఫీ కెమెరా ఉండనుంది.
ఏఐ ఫీచర్స్ : ఏఐ హైపర్ క్లారిటీ, ఏఐ హైపర్ మోషన్, ఏఐ ఆల్వేస్ ఆన్ హెచ్డీఆర్, ఏఐ స్మార్ట్ రిప్లై, ఏఐ స్టైల్మీ, ఏఐ ఎడిట్ జెనీ, ఇన్స్టంట్ క్లిప్, లైట్మీ లైటింగ్ ఎఫెక్ట్లు మరియు గేమింగ్ కోసం ఏయిమ్ అసిస్ట్ వంటి ఫీచర్లున్నాయి.
ఇది కూడా చదవండి..: february 27 gold price | పసిడి పరుగులకు బ్రేక్.. తులంపై రూ.870 తగ్గుదల!
