అక్షరటుడే, నిజామాబాద్ సిటీ : Revanth Reddy Comments | సీఎం రేవంత్ రెడ్డి (CM Revanth Reddy)పై మాజీ మంత్రి జీవన్ రెడ్డి చేసిన ఆరోపణలను ఖండిస్తున్నామని రాష్ట్ర సహకార యూనియన్ లిమిటెడ్ ఛైర్మన్ మానాల మోహన్ రెడ్డి అన్నారు. అయితే ఆయన పార్టీని వీడడం బాధగానే ఉందన్నారు. ఈ మేరకు గురువారం ఆర్అండ్బీ గెస్ట్హౌస్లో మీడియా సమావేశంలో మానాల మాట్లాడారు.
Revanth Reddy Comments | స్వార్థ ప్రయోజనాల కోసం ఆరోపణలు..
జీవన్ రెడ్డి (Jeevan Reddy) తన స్వార్థ ప్రయోజనాల కోసం పార్టీ వీడి వెళ్తూ ఆరోపణలు చేయడం సరికాదని మానాల అన్నారు. రాష్ట్రంలో రాక్షస పాలనకు తెరదింపిన వ్యక్తి రేవంత్ రెడ్డి అన్నారు. వయసుకు, విజ్ఞతకు దగ్గట్టుగా మాట్లాడాలని జీవన్రెడ్డికి హితవు పలికారు. పార్టీ అధిష్టానం నిర్ణయాల మేరకే చేరికలు ఉంటాయన్నారు.
Revanth Reddy Comments | పోరాటం ప్రజాసమస్యలపై చేయాలి..
జీవన్రెడ్డి తన పోరాటాన్ని సీఎం రేవంత్ రెడ్డిపై కాకుండా ప్రజా సమస్యలపై చేస్తే బాగుంటుందని మానాల మోహన్ రెడ్డి (Manala Mohan Reddy) వ్యాఖ్యానించారు. వేం నరేందర్ రెడ్డి క్లిష్ట కాలంలో పార్టీకి సేవలందించారని గుర్తు చేశారు. తొమ్మిదేళ్లుగా కాంగ్రెస్ పార్టీ ఉన్నతి కోసం పనిచేసిన వ్యక్తి వేం నరేందర్ రెడ్డి అన్నారు. జీవన్ రెడ్డి ఓడిపోయిన ప్రతీసారి పార్టీ ఏదో ఒకరకంగా ప్రాధాన్యత ఇస్తూ వచ్చిందన్నారు. విలేకరుల సమావేశంలో పలువురు సీనియర్ కాంగ్రెస్ నాయకులు పాల్గొన్నారు.
ఇది కూడా చదవండి..: Kamareddy Car Accident | కామారెడ్డిలో కారు బీభత్సం.. అంబులెన్స్, ఆరు బైక్లు ధ్వంసం..
