అక్షరటుడే, వెబ్డెస్క్ : Revanth Reddy football goals | హైదరాబాద్లోని ఎల్బీ స్టేడియం (LB Stadium)లో ఎమ్మెల్యేలు, ఎమ్మెల్సీల క్రీడా పోటీలు ఉత్సాహంగా ప్రారంభం అయ్యాయి. సీఎం రేవంత్రెడ్డి పోటీలను ప్రారంభించారు.
ఎప్పుడు రాజకీయాలతో బిజీగా ఉండే నేతలు సరదాగా ఆటలు ఆడారు. ఫుట్బాల్, కబడ్డీ, టగ్ ఆఫ్ వార్, లెమన్–స్పూన్ గేమ్స్ నిర్వహించారు. సీఎం రేవంత్రెడ్డి ఫుట్ బాల్ ఆడి ఆకట్టుకున్నారు. ఆయన స్వయంగా నాలుగు గోల్స్ కొట్టారు. దీంతో టీమ్లోని మిగతా సభ్యులు ఆయనను భుజాలపై ఎత్తుకొని అభినందించారు.
Revanth Reddy football goals | గెలిచిన మంత్రి సురేఖ
సీఎం రేవంత్రెడ్డి (CM Revanth Reddy)తో పాటు ఉపముఖ్యమంత్రి భట్టి విక్రమార్క, పలువురు మంత్రులు, ఎంపీలు, ఎమ్మెల్సీలు, ఎమ్మెల్యేలు ఆటల పోటీల్లో పాల్గొన్నారు. లెమన్ ఎండ్ స్పూన్ గేమ్లో మంత్రి కొండ సురేఖ విజేతగా నిలిచారు. టగ్ ఆఫ్ వార్ పోటీల సందర్భంగా వేములవాడ ఎమ్మెల్యే, ప్రభుత్వ విప్ ఆది శ్రీనివాస్ (Adi Srinivas) పట్టు తప్పి కింద పడిపోయారు. మిగతా ఎమ్మెల్యేలు ఆయనను వెంటనే పైకి లేపారు.
Revanth Reddy football goals | మత్తుబాట వదలాలి
ఆటల పోటీలకు ముందు సీఎం రేవంత్రెడ్డి మాట్లాడారు. ప్రతిపక్షం ఆలోచనలు ఎంతసేపు ఫామ్హౌస్ పార్టీలు, పబ్బుల్లో విందులే అని విమర్శించారు. యువత డ్రగ్స్, గంజాయికి దూరంగా ఉండేలా తమ ప్రభుత్వం ఆలోచిస్తుందన్నారు. అందుకోసం క్రీడలను ప్రోత్సహిస్తున్నట్లు తెలిపారు. యువత మత్తు బాట వదిలి, మైదానాల బాట పట్టాలని కోరారు.
Revanth Reddy football goals | ఎల్బీ స్టేడియాన్ని అభివృద్ధి చేస్తాం
ఎల్బీ స్టేడియంను అంతర్జాతీయ ప్రమాణాలతో అభివృద్ధి చేయడానికి తెలంగాణ ప్రభుత్వం కృషి చేస్తుందని సీఎం తెలిపారు. గచ్చిబౌలిలోని 70 ఎకరాల క్రీడా మైదానాలను సైతం అభివృద్ధి చేస్తామన్నారు. 2034లో ఒలింపిక్స్ నిర్వహించే విధంగా ప్రణాళికలు సిద్ధం చేశామని తెలిపారు. క్రీడాస్పూర్తిని పెంచాలన్న ఉద్దేశంతోనే ప్రపంచ ఫుట్బాల్ దిగ్గడం మెస్సీ (Messi)ని హైదరాబాద్కు ఆహ్వానించామన్నారు. క్రీడల్లో రాణించే విద్యార్థులను ప్రభుత్వం గుర్తించి గౌరవిస్తుందని తెలిపారు.
Football, Kabaddi, Tug of War & Lemon Spoon – Telangana legislators sports meet
Ngl, this feels fun to watch. pic.twitter.com/8Em5i7e0mF
— Naveena (@TheNaveena) March 28, 2026
ఇది కూడా చదవండి : Illegal Mining Probe | సీఎం సంచలన నిర్ణయం.. అక్రమ మైనింగ్పై సీబీసీఐడీ విచారణకు ఆదేశం
