అక్షరటుడే, వెబ్డెస్క్ : Revanth Reddy Warning | పలువురు కలెక్టర్లపై సీఎం రేవంత్రెడ్డి (CM Revanth Reddy) ఆగ్రహం వ్యక్తం చేశారు. కొంత మంది హెడ్ క్వార్టర్స్లో ఉండటం లేదని, వారు తీరు మార్చుకోవాలని ఆయన హెచ్చరించారు. 99 రోజుల పాటు జిల్లా విడిచి వెళ్లొద్దు అని ఆదేశించారు.
సీఎం రేవంత్రెడ్డి మంగళవారం కలెక్టర్లతో సమీక్ష సమావేశం నిర్వహించారు. ఈ నెల 6 నుంచి జూన్ 12వ తేదీ వరకు 99 డేస్ యాక్షన్ ప్లాన్ (99 Days action plan) అమలు చేయాలన్నారు. 10 రకాల థీమ్స్ తో 5 స్థాయిలలో ప్రజాపాలన-ప్రగతి ప్రణాళిక యాక్షన్ ప్లాన్ ఉండాలని ఆదేశింంచారు. ఇందులో భాగంగా ఏప్రిల్ 2న గ్రామ స్థాయి, 16వ తేదీన మండల స్థాయి కార్యక్రమాలు చేపట్టాలన్నారు. మే 2న నియోజకవర్గ, మే 22న జిల్లా స్థాయి కార్యక్రమాలు జరపాలని నిర్ణయించారు. జూన్ 2న రాష్ట్ర స్థాయి సమావేశం ఉంటుందన్నారు.
Revanth Reddy Warning | చురుగ్గా పాల్గొనాలి
వార్డు సభ్యులు, సర్పంచ్లు, మున్సిపల్ వార్డు సభ్యులు, చైర్పర్సన్లు, కార్పొరేటర్లు, మేయర్లు 99 రోజుల కార్యక్రమాలలో చురుగ్గా పాల్గొనాలని సీఎం సూచించారు. దీనిపై వారికి ఒక రోజు శిక్షణ తరగతులు నిర్వహించాలని అధికారులను ఆదేశించారు.
Revanth Reddy Warning | సౌర విద్యుత్పై..
సౌర విద్యుత్ (Solar Power) వినియోగాన్ని ప్రోత్సహించాలని సీఎం పేర్కొన్నారు. వ్యవసాయ బోరు మోటార్లను సోలార్ పంపు సెట్లతో భర్తీ చేయడం గురించి అవగాహన కల్పించాలన్నారు. కొత్త రేషన్ కార్డులు (New Ration cards), సన్న బియ్యం పంపిణీ, ఇందిరమ్మ ఇళ్లు, 200 యూనిట్ల వరకు ఉచిత విద్యుత్, రుణమాఫీ, ఉచిత బస్సు ప్రయాణం తదితర పథకాల లబ్ధిదారుల వివరాలను గ్రామ, వార్డు సభలలో ప్రదర్శించాలని సీఎం ఆదేశించారు.
Revanth Reddy Warning | సంక్షేమ పథకాలకు ముఖ గుర్తింపు
ప్రభుత్వ సంక్షేమ పథకాలు (Welfare Schemes) అర్హులకు చేరేలా ముఖ గుర్తింపును అమలు చేయాలని సీఎం ఆదేశించారు. ఆసరా పెన్షన్లలో ముఖ గుర్తింపు ద్వారా, మూడు లక్షల మంది అనర్హులైన లబ్ధిదారులను తొలగించారని చెప్పారు. రవాణా శాఖలో సంస్కరణలు అమలు చేయాలని సూచించారు. పాఠశాల బస్సులు, ఇతర వాహనాలకు ఫిట్నెస్ పరీక్షలు క్రమం తప్పకుండా నిర్వహించాలని ఆదేశించారు.
బిల్లులు చెల్లించాలి
మధ్యాహ్న భోజన (MDM) ఏజెన్సీలు, కార్మికులకు నెలవారీ బిల్లులు ఆలస్యం లేకుండా క్లియర్ చేయాలని సీఎం ఆదేశించారు. పిల్లలకు పోషకాహారం నిరంతరాయంగా సరఫరా అయ్యేలా ప్రణాళిక ఉండాలన్నారు. విద్యాసంస్థల్లో గంజాయి, మాదకద్రవ్యాలు, ఇ-సిగరెట్లు కనిపిస్తే పాఠశాలలు మరియు కళాశాలలు బాధ్యత వహించాలన్నారు.
దీనిని కూడా చదవండి : Gulf Telugu Advisory | గల్ఫ్లో ఉన్న తెలుగు వారికి సీఎం కీలక సూచనలు
