అక్షరటుడే, వెబ్డెస్క్: Sai Pallavi Awards | భారతీయ చిత్ర పరిశ్రమలో ప్రత్యేక గుర్తింపు తెచ్చుకున్న నటి సాయి పల్లవి. తాజాగా ఈ బ్యూటీ కేరళలోని కొచ్చిలో జరిగిన 70వ ఫిల్మ్ఫేర్ అవార్డ్స్ సౌత్ వేదికగా హిస్టరీ క్రియేట్ చేసింది. ఇండస్ట్రీలో తక్కువ కాలంలోనే అత్యధిక ఫిల్మ్ఫేర్ అవార్డులు అందుకున్న యాక్టర్గా రికార్డులకెక్కింది. ‘అమరన్’ మూవీకి గాను ఉత్తమ నటి అవార్డును అందుకుంది. దీంతో ఆమె ఖాతాలో మొత్తం ఏడు ఫిల్మ్ఫేర్ అవార్డులు చేరాయి.
Sai Pallavi Awards | 10 ఏళ్ల సినీ ప్రయాణంలో..
సాయిపల్లవి తన 10 ఏళ్ల సినీ ప్రయాణంలో.. అది కూడా 20 సినిమాలు మాత్రమే పూర్తి చేయకుండానే ఈ స్థాయికి చేరుకోవడం గమనార్హం. ప్రేమమ్ (మలయాళం): ‘మలర్’ టీచర్గా తన ఫస్ట్ మూవీతోనే ‘బెస్ట్ ఫిమేల్ డెబ్యూ’ అవార్డు అందుకుంది. ఫిదా (తెలుగు): ‘భానుమతి’ పాత్రలో తెలంగాణ భాషతో ప్రేక్షకులను మెప్పించి ‘ఉత్తమ నటి’గా తొలి తెలుగు ఫిల్మ్ఫేర్ అవార్డు దక్కించుకుంది. ఇక శ్యామ్ సింగ రాయ్ (తెలుగు): దేవదాసి పాత్రలో అందరినీ మంత్రముగ్ధులను చేసింది. సినిమాలో ఆమె భావోద్వేగాలకు ‘ఉత్తమ నటి’ అవార్డు లభించింది. అంతేకాకుండా నాగచైతన్యతో కలిసి నటించిన లవ్ స్టోరీ (తెలుగు): మూవీకి కూడా ‘ఉత్తమ నటి’ పురస్కారం లభించింది.
Sai Pallavi Awards | ఇతర చిత్రాల్లోనూ..
విరాటపర్వం (తెలుగు): వెన్నెల పాత్రలో ఆమె నటనకు ‘ఉత్తమ నటి (క్రిటిక్స్)’ అవార్డు దక్కింది. అలాగే గార్గి (తమిళం): కూతురిగా ఆమె నటనకు ‘ఉత్తమ నటి’ (తమిళం) అవార్డు లభ్యమైంది. అమరన్ (తమిళం): ఈ చిత్రంలో ‘ఇందు రెబెకా వర్గీస్’ పాత్రకు గాను తాజాగా 7వ ఫిల్మ్ఫేర్ అవార్డును దక్కించుకుంది. తెలుగు, తమిళం, మలయాళం సినిమాల్లో ఉత్తమ నటిగా అవార్డులు గెలుచుకుంది. పదేళ్ల కెరీర్లోనే ఏడు ‘బ్లాక్ లేడీ’ అవార్డులు అందుకోవడం సాయి పల్లవికే సాధ్యమైంది.
Sai Pallavi Awards | రామాయణ చిత్రంలో సీత పాత్ర..
సాయి పల్లవి ప్రస్తుతం తన కెరీర్లో అత్యంత ప్రతిష్టాత్మకమైన ‘రామాయణ’ చిత్రం చేస్తోంది. ఇందులో సీత పాత్రలో నటిస్తోంది. రణ్బీర్ కపూర్ రాముడిగా నటిస్తున్న ఈ పాన్-ఇండియా మూవీతో ఆమె క్రేజ్ మరో రేంజ్కు చేరనుంది. ఇదే జోరు కొనసాగితే, భవిష్యత్తులో ఆమె నేషనల్ అవార్డులతో పాటు అంతర్జాతీయ పురస్కారాలను దక్కించుకోవచ్చని సినీ పండితులు అభిప్రాయం వ్యక్తం చేస్తున్నారు.
