అక్షరటుడే, వెబ్డెస్క్ : Samsung Galaxy M17e | సౌత్ కొరియాకు చెందిన ప్రముఖ స్మార్ట్ ఫోన్ తయారీ సంస్థ అయిన శాంసంగ్ (Samsung).. బడ్జెట్ ధరలో మరో స్మార్ట్ ఫోన్ను తీసుకువచ్చింది. గెలాక్సీ ఎం17ఈ మోడల్ను మంగళవారం (మార్చి 17న) భారత మార్కెట్లో విడుదల చేసింది. ఆండ్రాయిల్ 16 ఆధారిత ఓఎస్, మీడియాటెక్ డైమెన్సిటీ 6300 ప్రాసెసర్తో తీసుకువచ్చిన ఈ ఫోన్ బేస్ వేరియంట్ ధర రూ. 11,749. ఈ ఫోన్తోపాటు డాటా కేబుల్(సీ టు సీ) మాత్రమే ఇస్తారు. చార్జింగ్ అడాప్టర్ ఉండదు. ఇది అమెజాన్ (Amazon)లో అందుబాటులో ఉంది. ఫోన్ ఫీచర్లు ఇలా ఉన్నాయి.
డిస్ఫ్లే : 6.7 ఇంచ్ హెచ్డీ ప్లస్ టీఎఫ్టీ డిస్ప్లే ఇచ్చారు. ఇది 120 హెడ్జ్ రిఫ్రెష్ రేట్, 720 1600 పిక్సెల్ రిజల్యూషన్ కలిగి ఉంది. కార్నింగ్ గొరిల్లా గ్లాస్ విక్టస్ ప్రొటెక్షన్, ఐపీ54 డస్ట్ అండ్ వాటర్ రెసిస్టన్స్ రేటింగ్తో వచ్చింది.
Samsung Galaxy M17e | సాఫ్ట్వేర్..
మీడియాటెక్ డైమెన్సిటీ 6300 ప్రాసెసర్ అమర్చారు. ఇది ఆండ్రాయిడ్ 16 ఆధారిత వన్ యూఐ 8.0 ఆపరేటింగ్ సిస్టంతో పనిచేస్తుంది. ఆరేళ్లపాటు ఆండ్రాయిడ్, సెక్యూరిటీ అప్డేట్స్ అందించనున్నట్లు కంపెనీ తెలిపింది.
Samsung Galaxy M17e | కెమెరా సెటప్..
వెనకవైపు 50 మెగా పిక్సెల్ మెయిన్ కెమెరాతో పాటు 2 మెగా పిక్సెల్ డెప్త్ సెన్సార్తో కూడిన డ్యుయల్ కెమెరా సెట్ అప్ ఉంది. దీనితో 4కే వీడియో రికార్డింగ్ చేయొచ్చు. ముందువైపు సెల్ఫీలు, వీడియో కాల్స్ కోసం 8 మెగా పిక్సెల్ ఫ్రంట్ కెమెరా ఇచ్చారు.
Samsung Galaxy M17e | బ్యాటరీ సామర్థ్యం..
6000 ఎంఏహెచ్ బ్యాటరీ ఉంది. ఇది 25 వాట్ ఫాస్ట్ చార్జింగ్ను సపోర్ట్ చేస్తుంది. బ్యాటరీని ఫుల్ చార్జ్ చేస్తే 26 గంటలపాటు నాన్స్టాప్గా వీడియోలు వీక్షించవచ్చని కంపెనీ చెబుతోంది.
వేరియంట్స్..
వైబ్ వైట్, బ్లిడ్జ్ బ్లూ కలర్స్లో 4 జీబీ ర్యామ్, 128 జీబీ ఇంటర్నల్ స్టోరేజ్, 6 జీబీ ర్యామ్, 128 జీబీ ఇంటర్నల్ స్టోరేజ్ వేరియంట్స్లో లభిస్తుంది.
4 జీబీ ర్యామ్, 128 జీబీ ఇంటర్నల్ స్టోరేజ్ వేరియంట్ ధర రూ. 11,749.
6 జీబీ ర్యామ్, 128 జీబీ ఇంటర్నల్ స్టోరేజ్ వేరియంట్ ధర రూ. 13,249.
కార్డ్ ఆఫర్స్ : అమెజాన్ పే ఐసీఐసీఐ బ్యాంక్ క్రెడిట్ కార్డ్తో కొనుగోలు చేస్తే 5 శాతం వరకు క్యాష్ బ్యాక్ లభిస్తుంది.
ఇది కూడా చదవండి..: Lava Bold 2 5G | పవర్ఫుల్ ప్రాసెసర్తో బడ్జెట్ ధరలో ఫోన్
