అక్షరటుడే, వెబ్డెస్క్: Seema Anand Controversy | సోషల్ మీడియాలో ఒక వీడియో వైరల్ కావడంతో ప్రముఖ సీనియర్ సెక్స్ ఎడ్యుకేటర్ Seema Anand చుట్టూ వివాదం ముదిరింది. తాజాగా సీమ పాల్గొన్న ఒక పోడ్కాస్ట్లో చేసిన వ్యాఖ్యలు విస్తృత చర్చకు తెరలేపాయి. 15 ఏళ్ల ఒక బాలుడితో జరిగిన ఘటనను ఆమె ప్రస్తావించడంపై నెటిజన్లు తీవ్రంగా స్పందిస్తున్నారు.
Seema Anand Controversy | వైరల్ అయిన పోడ్కాస్ట్ క్లిప్
లండన్లో నివసించే మిథాలజీ mythology పరిశోధకురాలు, రచయిత, సెక్స్ ఎడ్యుకేటర్గా పేరుగాంచిన సీమా ఆనంద్.. జర్నలిస్టు Shubhankar Mishra నిర్వహించే Unplugged with Shubhankar Mishra పోడ్కాస్ట్లో ఇటీవల పాల్గొన్నారు. ఈ కార్యక్రమంలో సంబంధాలు, బంధాలు, ఆకర్షణ, వయస్సు తేడాల వంటి అంశాలపై చర్చ కొనసాగింది.
ఈ సందర్భంగా పెద్ద వయసున్న మహిళల పట్ల యువకులు ఆకర్షణకు లోనయ్యే సందర్భాల గురించి ప్రశ్నించగా.. తనకు ఎదురైన ఒక ఘటనను సీమా ఆనంద్ పంచుకున్నారు. గతేడాది 15 ఏళ్ల ఒక బాలుడు తనతో మాట్లాడిన సందర్భాన్ని సీమ ప్రస్తావించారు. ఆ బాలుడు తనతో అసభ్య పదజాలంతో మాట్లాడినట్లు చెప్పుకొచ్చారు. ఈ వ్యాఖ్యలతో కూడిన ఒక వీడియో క్లిప్ తాజాగా సామాజిక మాధ్యమాల్లో వైరల్ కావడంతో తీవ్ర స్పందనలు వచ్చాయి.
Seema Anand Controversy | సోషల్ మీడియాలో చర్చ
ఒక మైనర్ గురించి లైవ్లో ప్రస్తావన రావడం పట్ల పలువురు నెటిజన్లు విమర్శిస్తున్నారు. పిల్లల విషయాల్లో పెద్దలు మరింత బాధ్యతగా మాట్లాడాలని అభిప్రాయపడ్డారు. ఇలాంటి అంశాలను వినోదంగా, వ్యక్తిగత కథలుగా చెప్పడం సరికాదని వ్యాఖ్యానించారు.
మరికొందరు సీమా ఆనంద్కు మద్దతుగా నిలిచారు. ఆమె తనకు ఎదురైన ఒక అసౌకర్యకరమైన వాస్తవాన్ని వివరించిందని, నెగెటివ్ను ప్రోత్సహించడం తన ఉద్దేశం కాదని చెప్పుకొచ్చారు. సమాజంలో లైంగిక, సంబంధాల విషయంలో బహిరంగ చర్చలపై ఉన్న అసౌకర్యమే ఈ వివాదానికి కారణమని అభిప్రాయం వ్యక్తం చేశారు.
Seema Anand Controversy | సీమా ఆనంద్ ఎవరో తెలుసా
లండన్లో ఉంటున్న రచయిత, కథాకారిణి, సెక్స్ ఎడ్యుకేటర్ ఈ సీమా ఆనంద్. భారతీయ ప్రాచీన గ్రంథాలు, Kama Sutra, సంబంధాలు, లైంగిక అవగాహన, సంస్కృతి వంటి విషయాలపై సీమ తరచూ మాట్లాడుతుంటారు.
సమాజంలో లైంగిక విద్యపై ఉన్న అపోహలను తొలగించాల్సిన అవసరాన్ని తరచూ ప్రస్తావిస్తుంటారు. సోషల్ మీడియాలో ఆమెకు భారీ సంఖ్యలో అనుచరులు ఉన్నారు.
यह रहा वीडियो pic.twitter.com/vkO0U5DyHE
— ममता ट्राबल (@Mamtasulaniya) January 6, 2026
