అక్షరటుడే, వెబ్డెస్క్ : She Nethra Teams | మహిళల భద్రత కోసం హైదరాబాద్ పోలీసులు (Hyderabad Police) చర్యలు చేపట్టారు. ఈ మేరకు షీ నేత్ర బృందాలను ఏర్పాటు చేశారు. ఈ బృందాలను శుక్రవారం నగర కమిషనర్ సజ్జనార్ (CP Sajjanar) ప్రారంభించారు.
నగరంలోని పలు ప్రాంతాల్లో కొందరు రహస్య కెమెరాలు పెట్టి మహిళలను చిత్రీకరిస్తున్నారు. ముఖ్యంగా పబ్లిక్ టాయిలెట్లు, హాస్టళ్లు, హోటల్ రూమ్లు, షాపింగ్ మాల్స్లోని ట్రయల్ రూమ్లో సీక్రెట్ కెమెరాలు ఏర్పాటు చేసి మహిళలను చిత్రీకరిస్తున్నారు. అనంతరం ఆ వీడియోలను సోషల్ మీడియాలో పోస్ట్ చేస్తున్నారు. మరి కొందరు ఆ వీడియోలు చూపెట్టి బ్లాక్మెయిల్ చేస్తున్నారు. ఇలాంటి వారిపై చర్యలు తీసుకోవడానికి షీ నేత్ర టీమ్లను పోలీసులు ఏర్పాటు చేశారు.
She Nethra Teams | ఆకస్మిక తనిఖీలు
నగరంలో మొత్తం ఏడు బృందాలను ఏర్పాటు చేశారు. ఈ టీమ్ల్లోని అధికారులు ప్రజా, ప్రైవేట్ ప్రదేశాలలో దాగి ఉన్న కెమెరాల దుర్వినియోగాన్ని గుర్తించి, అరికట్టడానికి చర్యలు చేపడుతారు. మహిళల గోప్యత, గౌరవాన్ని కాపాడటానికి కృషి చేస్తారు. మాల్స్, హోటళ్లు, హాస్టళ్లు, ఆసుపత్రులు, విద్యాసంస్థలు, వాణిజ్య సముదాయాలలో ఈ బృందాలు ఆకస్మిక తనిఖీలు చేస్తాయి. రహస్య కెమెరాలను గుర్తించడానికి ఈ బృందాలకు అధునాతన కెమెరా డిటెక్టర్లను అందించారు. బషీర్బాగ్లోని పాత కమిషనరేట్ కార్యాలయంలో జరిగిన కార్యక్రమంలో ఈ పరికరాలను సీపీ సజ్జనార్ బృందాలకు అందించారు.
She Nethra Teams | కఠిన చర్యలు
షీ నేత్ర బృందాల తనిఖీల సమయంలో కెమెరాలు ఉన్నట్లు తేలితే కఠిన చర్యలు తీసుకుంటారు. నిబంధనలు ఉల్లంఘించిన వారిపై క్రిమినల్ కేసులు, బ్లాక్లిస్టింగ్కు అవకాశం ఉంది. మహిళల గోప్యతకు భంగం కలిగించే వారిపై కఠిన చర్యలు తీసుకుంటామని కమిషనర్ హెచ్చరించారు.
ఇది కూడా చదవండి : Facebook Love Fraud | ఫేస్బుక్లో పరిచయమై సహజీవనం.. రూ.కోటితో పరారు
