అక్షరటుడే, వెబ్డెస్క్: Shiv Pratap Shukla Governor | తెలంగాణ గవర్నర్గా శివ ప్రతాప్ శుక్లా బుధవారం ప్రమాణ స్వీకారం చేశారు. లోక్భవన్ (Lok Bhavan)లో హైకోర్టు ప్రధాన న్యాయమూర్తి అపరేష్ కుమార్ సింగ్ ఆయనతో ప్రమాణ స్వీకారం చేయించారు.
ప్రమాణ స్వీకార కార్యక్రమానికి సీఎం రేవంత్రెడ్డి (CM Revanth Reddy)తో పాటు డిప్యూటీ సీఎం భట్టి విక్రమార్క, మంత్రులు పొంగులేటి శ్రీనివాస్రెడ్డి, శ్రీధర్బాబు, కోమటిరెడ్డి వెంకట్రెడ్డి, దామోదర్ రాజనర్సింహ, తుమ్మల నాగేశ్వరరావు, స్పీకర్ ప్రసాద్ కుమార్, మండలి ఛైర్మన్ గుత్తా సుఖేందర్రెడ్డి తదితరులు హాజరు అయ్యారు. గవర్నర్గా తెలుగులో ప్రమాణం చేశారు.
Shiv Pratap Shukla Governor | మార్చి 6న నియామకం
తెలంగాణ గవర్నర్ (Governor of Telangana)గా నియమితులైన శివప్రతాప్ శుక్లా కుటుంబంతో సహా మంగళవారం హైదరాబాద్ చేరుకున్న విషయం తెలిసిందే. ఈ రోజు ఆయన ప్రమాణం చేశారు. మార్చి 6న ప్రభుత్వం ఆయనను తెలంగాణ గవర్నర్గా నియమించింది. గతంలో ఇక్కడ పని చేసిన జిష్ణుదేవ్ వర్మను మహారాష్ట్రకు పంపింది. కాగా ఉత్తర్ప్రదేశ్ (Uttar Pradesh)కు చెందిన శుక్లా గతంలో బీజేపీలో కీలకంగా పని చేశారు. 1989లో తొలిసారి ఎమ్మెల్యేగా గెలిచారు. రాష్ట్రమంత్రిగా పని చేశారు. 2017 నుంచి 2019 వరకు మోదీ మంత్రివర్గంలో పని చేశారు. అనంతరం ఆయన 2023 ఫిబ్రవరి 18న హిమాచల్ ప్రదేశ్ గవర్నర్గా నియమితులయ్యారు. తాజాగా తెలంగాణ గవర్నర్గా వచ్చారు.
ఇది కూడా చదవండి..: Anjali Sardana Startup | ఏడాదిలోనే రూ.800 కోట్ల టర్నోవర్.. స్టార్టప్తో యువతి విజయం
