అక్షరటుడే, కామారెడ్డి: Skill University Telangana | విద్యార్యులలో నైపుణ్యాలను పెంచడం కోసం రాష్ట్ర ప్రభుత్వం స్కిల్ యూనివర్సిటీ ఏర్పాటు చేసిందని ఉన్నత విద్యామండలి (Council for Higher Education) వైస్ ఛైర్మన్ ప్రొఫెసర్ ఇటిక్యాల పురుషోత్తం అన్నారు. తెలంగాణ యూనివర్సిటీ (Telangana University) భిక్కనూరు సౌత్ క్యాంపస్(Bhikkanoor South Campus) ఫిజిక్స్ విభాగం ఆధ్వర్యంలో రెండు రోజుల నేషనల్ కాన్ఫరెన్స్ శుక్రవారం ముగింపు కార్యక్రమంలో ఆయన మాట్లాడారు.
Skill University Telangana | ఇంగ్లిష్ నేర్చుకోవడమే ప్రావీణ్యం కాదు..
ఈ సందర్భంగా ఆయన మాట్లాడుతూ.. కేవలం ఇంగ్లిష్ భాష నేర్చుకోవడమే నైపుణ్యం కాదని.. బతకడానికి కావాల్సిన అన్ని రకాల నైపుణ్యాలను నేర్చుకోవాలన్నారు. అందుకే నైపుణ్యం పెంచే కోర్సుల రూపకల్పన చేశామని తెలిపారు. విద్యార్థులు ఇలాంటి కాన్ఫరెన్స్లలో పాల్గొని తగినంత పరిశోధన అనుభవాన్ని పెంచుకోవాలని సూచించారు. యూనివర్సిటీలు పరిశోధనకు కేంద్రాలుగా ఉండాలని, ఉన్నత విద్యామండలి అందుకు సహకారం అందిస్తుందని తెలిపారు. అనంతరం విద్యార్థుల నుంచి బెస్ట్ ఓరల్, పోస్టర్ ప్రెజెంటేషన్ చేసినవారికి బహుమతులు అందజేశారు. కార్యక్రమంలో రిటైర్డ్ ప్రొఫెసర్ డా.మధుకర్, సౌత్ క్యాంపస్ ప్రిన్సిపల్ సుధాకర్ గౌడ్, శాతవాహన యూనివర్సిటీ అధ్యాపకులు సురేష్ కుమార్, అధ్యాపకులు లలిత, వైశాలి, సరిత, పిట్ల దిలీప్, శ్రీమాత వివిధ విభాగాల అధ్యాపకులు నాగరాజు, సబిత, వివిధ విశ్వ విద్యాలయాల అధ్యాపకులు, విద్యార్థులు పాల్గొన్నారు.
ఇది కూడా చదవండి: Perkit Mahila Pranganam | పెర్కిట్ మహిళా ప్రాంగణం ఉదంతంపై కలెక్టర్ సీరియస్.. బాధ్యులపై చర్యలకు ఆదేశం
