అక్షరటుడే, వెబ్డెస్క్ : Smart Number Plate Scam | ప్లేటు ఫిరాయించడం అని మనం తరచూ వింటూ ఉంటాం. ముఖ్యంగా రాజకీయ నాయకుల విషయంలో ఈ మాట వినిపిస్తుంది. అయితే తాజాగా ఓ కారు ఓనర్ చేసిన పని ప్లేట్ ఫిరాయింపుకు నిదర్శనంగా నిలిచింది. తన కారు నంబర్ ప్లేట్ను టెక్నాలజీ సాయంతో అతడు మార్చే ఏర్పాట్లు చేశాడు.
పోలీసుల చలాన్ల నుంచి తప్పించుకోవడానికి చాలా మంది వాహనదారులు ప్రయత్నిస్తుంటారు. ఇందుకోసం కొందరు నంబర్ ప్లేట్ టాంపరింగ్ చేస్తారు. ప్లేట్ తొలగించడం, ఇతరుల నంబర్ ప్లేట్ పెట్టుకోవడం చేస్తారు. అలాగే కొందరు నంబర్ కనిపించకుండా ప్లేట్ను వంచడం, విరగొట్టడం చేస్తుంటారు. అయితే తాజాగా ఓ వ్యక్తి హైటెక్ టెక్నాలజీతో తన కారు నంబర్ ప్లేట్ మారేలా ఏర్పాట్లు చేశాడు. దీనిని చూసి పోలీసులే షాక్ అయ్యారు.
Smart Number Plate Scam | హైదరాబాద్లో..
హైదరాబాద్ (Hyderabad) నగరంలోని జూబ్లీహిల్స్ పరిధిలో శనివారం రాత్రి పోలీసులు డ్రంకన్ డ్రైవ్ తనిఖీలు (Drunk and Drive) నిర్వహించారు. ఈ సందర్భంగా ఓ బీఎండబ్ల్యూ కారు (BMW Car)ను తనిఖీ కోసం ఆపారు. ఆ కారులో నంబర్ ప్లేట్ మార్చే టెక్నాలజీ ఉన్నట్లు గుర్తించారు. నంబర్ ప్లేట్ మార్చే టెక్నాలజీ చూసి పోలీసులు ఆశ్చర్యపోయారు. ఈ టెక్నాలజీతో ఢిల్లీ, తెలంగాణ నంబర్ ప్లేట్లు ( Smart Number Plate Scam) మారుస్తున్న నిందితుడు. అతడు మద్యం తాగి వాహనం నడుపుతున్నట్లు గుర్తించారు. నిందితుడిపై కేసు నమోదు చేశారు.
ప్లేటు ఫిరాయించడం అంటే ఇదేనేమో!
నంబర్ ప్లేట్ మార్చే టెక్నాలజీ ఉన్న కారుతో దొరికిన వ్యక్తి
జూబ్లీహిల్స్ పరిధిలో డ్రంక్ అండ్ డ్రైవ్ కేసులో పట్టుబడ్డ వ్యక్తి
ఆ వ్యక్తి కారుకు ఉన్న నంబర్ ప్లేట్ మార్చే టెక్నాలజీ చూసి ఆశ్చర్య పోయిన పోలీసులు
ఈ టెక్నాలజీతో ఢిల్లీ, తెలంగాణ నంబర్… pic.twitter.com/M6Udgm1BYM
— Telugu Scribe (@TeluguScribe) April 12, 2026
ఇది కూడా చదవండి : E Cigarette Racket | ఈ-సిగరెట్ల దందా గుట్టురట్టు
