అక్షరటుడే, వెబ్డెస్క్ : South Africa vs New Zealand | టీ20 ప్రపంచకప్ 2026 ఉత్కంఠభరిత దశకు చేరుకుంది. మెగా టోర్నీలో తొలి సెమీఫైనల్ సమరానికి రంగం సిద్ధమైంది. కోల్కతా (Kolkata)లోని చారిత్రాత్మక ఈడెన్ వేదికగా సౌతాఫ్రికా, న్యూజిలాండ్ జట్లు ఫైనల్ బెర్త్ కోసం అమీతుమీ తేల్చుకోనున్నాయి.
భారత కాలమానం ప్రకారం ఈ సాయంత్రం 7 గంటలకు ఈ హై-వోల్టేజ్ మ్యాచ్ ప్రారంభం కానుంది. ఈ టోర్నీలో ఇప్పటివరకు ఒక్క మ్యాచ్ కూడా ఓడిపోకుండా దూసుకుపోతున్న సౌతాఫ్రికా ఆత్మవిశ్వాసంతో ఉంది. గ్రూప్ దశలోనూ, సూపర్ స్టేజ్లోనూ అద్భుత ప్రదర్శనతో ప్రత్యర్థులను చిత్తు చేసింది. మరోవైపు, ఎలాగైనా చరిత్రను తిరగరాయాలని కసితో ఉన్న న్యూజిలాండ్ జట్టు సెమీఫైనల్కు చేరుకుంది. గణాంకాలు సఫారీలకు అనుకూలంగా ఉన్నప్పటికీ, నాకౌట్ మ్యాచ్ల్లో కివీస్ ప్రమాదకర జట్టుగా మారుతుందన్న విశ్లేషణలు వినిపిస్తున్నాయి.
South Africa vs New Zealand | 19 ఏళ్ల నిరీక్షణకు ముగింపు?
న్యూజిలాండ్కు ఈ మ్యాచ్ సాధారణ సెమీఫైనల్ మాత్రమే కాదు, రివెంజ్ మ్యాచ్. టీ20 ప్రపంచకప్ చరిత్రలో సౌతాఫ్రికాను ఓడించడం కివీస్కు ఇప్పటికీ కలగానే మిగిలిపోయింది. 2007లో జరిగిన తొలి ప్రపంచకప్ నుంచి ఇప్పటివరకు ఈ రెండు జట్లు మెగా టోర్నీలో ఐదుసార్లు తలపడగా, ఐదుసార్లూ సౌతాఫ్రికానే విజయం సాధించింది. అంటే దాదాపు 19 ఏళ్లుగా ప్రపంచకప్ వేదికపై కివీస్కు సఫారీలను దాటే అవకాశం రాలేదు. ఇప్పుడు మిచెల్ శాంట్నర్ సారథ్యంలోని న్యూజిలాండ్ జట్టుకు ఈ చరిత్రను మార్చే సువర్ణ అవకాశం లభించింది. ఈడెన్ గార్డెన్స్ (Eden Gardens) పిచ్ స్పిన్నర్లకు అనుకూలించే అవకాశం ఉండటంతో, శాంట్నర్ తన స్పిన్ మాయాజాలంతో సఫారీల బ్యాటింగ్ను కట్టడి చేయాలని వ్యూహాలు రచిస్తున్నాడు.
South Africa vs New Zealand | కివీస్పై ఒత్తిడి
మొత్తం అంతర్జాతీయ టీ20 రికార్డులను పరిశీలిస్తే సౌతాఫ్రికా స్పష్టమైన ఆధిపత్యాన్ని ప్రదర్శిస్తోంది. ఇప్పటివరకు ఈ రెండు జట్లు 19 సార్లు తలపడగా, సౌతాఫ్రికా 12 మ్యాచ్లు గెలిచింది. న్యూజిలాండ్ 7 మ్యాచ్ల్లో మాత్రమే విజయం సాధించింది. అదేవిధంగా, ఇదే 2026 ప్రపంచకప్ గ్రూప్ దశలో ఈ రెండు జట్లు తలపడినప్పుడు సౌతాఫ్రికా 7 వికెట్ల తేడాతో కివీస్ను చిత్తు చేసింది. ఈ గణాంకాలు సఫారీలకు భారీ ఆత్మవిశ్వాసాన్ని ఇస్తుంటే, కివీస్పై ఒత్తిడిని పెంచుతున్నాయి. ఈ మ్యాచ్లో గెలిచిన జట్టు నేరుగా ఫైనల్కు చేరుకుంటుంది. సౌతాఫ్రికాకు ఉన్న “చోకర్స్” ముద్రను తొలగించుకుని తొలిసారి టీ20 ప్రపంచకప్ గెలవాలన్న పట్టుదల కనిపిస్తోంది. మరోవైపు, న్యూజిలాండ్ తన పాత ఓటములకు ప్రతీకారం తీర్చుకుని కొత్త చరిత్ర రాయాలని చూస్తోంది
ఇది కూడా చదవండి..: T20 World Cup 2026 Semifinal Rain | సెమీఫైనల్స్కి వర్షం ముప్పు ఉందా.. మ్యాచ్ రద్దైతే ఫైనల్కి ఎవరు?
