అక్షరటుడే, వెబ్డెస్క్ : Sri Lanka Fuel Prices | పశ్చిమాసియా ఉద్రిక్తతలతో ప్రపంచంలో చమురు సంక్షోభం తలెత్తుతోంది. హార్మూజ్ జలసంధి (Strait of Hormuz) మూసివేత, ఒపెక్ దేశాలు చమురు ఉత్పత్తిని తగ్గించడంతో ముడి చమురు ధరలు భారీగా పెరిగాయి. దీంతో పలు దేశాలు పెట్రోలు, డీజిల్ ధరలను భారీగా పెంచాయి.
శ్రీలంకలో పెట్రోల్, డీజిల్ ధరలను (Diesel Prices) భారీగా పెంచుతూ ప్రభుత్వం నిర్ణయం తీసుకుంది. సోమవారం అర్ధరాత్రి నుంచి ధరల పెంపు అమలులోకి వచ్చింది. ఆక్టేన్ 92 పెట్రోల్ రూ.24 పెంచడంతో.. లీటర్ రూ.317కు చేరింది. ఆక్టేన్ 95 పెట్రోల్ రూ.25 పెంపుతో రూ.365కి, ఆటో డీజిల్ రూ.22 పెంపుతో లీటర్కు రూ.303 కు చేరింది. సూపర్ డీజిల్ ధరలను లీటర్కు రూ.24 పెంచగా.. రూ.353కు, కిరోసిన్ రూ.13 పెంపుతో లీటర్ రూ.195కు చేరింది. ఇప్పటికే పాకిస్థాన్ సైతం పెట్రోల్, డీజిల్ ధరలను పెంచిన విషయం తెలిసిందే. ఆ దేశం లీటరుకు రూ.55 పెంచింది.
Sri Lanka Fuel Prices | శాంతించిన క్రూడ్ ఆయిల్
గత కొన్ని రోజులుగా పెరుగుతున్న ముడి చమురు ధరలు మంగళవారం శాంతించాయి. సోమవారం భారీగా క్రూడ్ ఆయిల్ (Crude Oil) ధరలు పెరిగాయి. బ్యారెల్ ధర 120 బిలియన్ డాలర్ల గరిష్టాన్ని తాకింది. అనంతరం రేట్లు దిగి వచ్చాయి. ఇరాన్తో యుద్ధం ముగింపు దశకు వచ్చిందని అమెరికా అధ్యక్షుడు డోనాల్డ్ ట్రంప్ (Donald Trump) ప్రకటించారు. దీంతో బ్యారెల్ క్రూడ్ ఆయిల్ ధర ప్రస్తుతం 90 డాలర్ల వద్ద ట్రేడ్ అవుతోంది. యుద్ధం ఆగిపోతే రేట్లు మరింత తగ్గనున్నాయి.
Sri Lanka Fuel Prices | పొంచి ఉన్న ముప్పు
ప్రస్తుతం కొన్ని దేశాల్లో ఇంధన ధరలను భారీగా పెంచారు. దీంతో ఆ ప్రభావం అన్ని రంగాలపై ఉండనుంది. ద్రవ్యోల్బణం పెరిగి ఆర్థిక సంక్షోభం తలెత్తే అవకాశం ఉంది. దీంతో ఆయా దేశాల ప్రజలు ఆందోళన చెందుతున్నారు. భారత్ మాత్రం పెట్రోల్, డీజిల్ ధరలు పెంచమని ప్రకటించింది. దీంతో ప్రజలకు ఊరట లభించింది. కాగా ముడి చమురు ధరలు దిగిరావడంతో ఆయా దేశాలు ఊపిరి పీల్చుకుంటున్నాయి. ఉత్పత్తి, రవాణా సాధారణ స్థితికి చేరుకుంటే ఇబ్బందులు తప్పనున్నాయి.
ఇది కూడా చదవండి..: Putin Backs Mojtaba Khamenei | మోజ్తాబా ఖమేనీకి పుతిన్ మద్దతు.. యుద్ధం రూపు మారనుందా..?
