అక్షరటుడే, వెబ్డెస్క్: Stock Market Crash India | దేశీయ స్టాక్ మార్కెట్ లో మూడు రోజుల వరుస లాభాలకు తెరపడింది. సెన్సెక్స్ (Sensex Today) 2,496 పాయింట్లు, నిఫ్టీ(Nifty Fall) 775 పాయింట్ల నష్టంతో ముగిసాయి.
Stock Market Crash India | పశ్చిమాసియాలో ఉద్రిక్తతలు..
పశ్చిమాసియాలో ఉద్రిక్తతలు గ్లోబల్ ఆర్థిక వ్యవస్థలపై (Stock Market Crash) ప్రభావం చూపుతున్నాయి. ప్రపంచంలోనే అతి పెద్దదైన కతార్లోని ఎల్ఎన్జీ ఉత్పత్తి కేంద్రమైన రస్ లఫాన్ ప్లాంట్ పై ఇరాన్ దాడి చేయడంతో గ్యాస్ కష్టాలు మరింత (Global Tensions Impact) పెరిగే అవకాశాలున్నాయి. ఇది మార్కెట్ ను ఆందోళనకు గురిచేస్తోంది. దీనికి తోడు క్రూడ్ ఆయిల్ ధర భారీగా పెరగడం, రూపాయి విలువ మరోసారి ఆల్ టైం కనిష్టానికి పడిపోవడం, హెచ్డీఎఫ్సీ బ్యాంకు పార్ట్ టైం ఛైర్మన్ అకస్మాత్తుగా (Indian Economy) రాజీనామా చేయడం వంటి కారణాలతో ఇన్వెస్టర్ల సెంటిమెంట్ దెబ్బతింది. దీంతో అమ్మకాల ఒత్తిడితో స్టాక్ మార్కెట్లు కుదేలయ్యాయి.
Stock Market Crash India | భారీ గ్యాప్ డౌన్ లో ప్రారంభమై..
దేశీయ స్టాక్ మార్కెట్ గురువారం భారీ గ్యాప్ డౌన్లో ప్రారంభమైంది. 1,954 పాయింట్ల నష్టంతో ప్రారంభమైన(Investor Loss) సెన్సెక్స్ మరో 65 పాయింట్లు కోల్పోయింది. అక్కడి నుంచి కోలుకొని 665 పాయింట్లు పెరిగింది. నిఫ్టీ 580 పాయింట్ల నష్టంతో ప్రారంభమై మరో 17 పాయింట్లు కోల్పోయింది. అక్కడి నుంచి 198 పాయింట్లు పెరిగింది. మధ్యాహ్నం 1 గంట తర్వాత మార్కెట్(Share Market News) వేగంగా పడిపోయింది. ఇంట్రాడే గరిష్టాల నుంచి సెన్సెక్స్ 1,404 పాయింట్లు, నిఫ్టీ 448 పాయింట్లు కోల్పోయాయి. చివరికి సెన్సెక్స్ 2,496 పాయింట్ల నష్టంతో 74,207 వద్ద, నిఫ్టీ 775 పాయింట్ల నష్టంతో 23,002 వద్ద స్థిరపడ్డాయి.
Stock Market Crash India | అన్నీ నష్టాల్లోనే..
బీఎస్ఈ సెన్సెక్స్ 30 ఇండెక్స్ లోని అన్ని స్టాక్స్ నష్టాలలోనే ముగిసాయి ఎటర్నల్, బజాజ్ ఫైనాన్స్, ఎం అండ్ ఎం, హెచ్డీఎఫ్సీ బ్యాంకు 5 శాతానికిపైగా నష్టపోయాయి. బీఎస్ఈలో నమోదైన కంపెనీల సంపద విలువ రూ. 12 లక్షల కోట్ల పైన ఆవిరి అయ్యింది.
ఇది కూడా చదవండి: Iran Missile Attacks | ఇరాన్ దాడులతో దద్దరిల్లిన గల్ఫ్.. ఖతార్లోని రస్లఫాన్ రిఫైనరీలపై బాంబుల వర్షం!
