అక్షరటుడే, వెబ్డెస్క్ : Stock Market Crash | పశ్చిమాసియలో యుద్ధం కొనసాగుతోంది. శాంతి చర్చల విషయంలో అమెరికా, ఇరాన్ పరస్పర విరుద్ధ ప్రకటనలు చేస్తుండడంతో ఇన్వెస్టర్లు గందరగోళానికి గురవుతున్నారు. క్రూడ్ ఆయిల్(Crude oil) ధర పెరుగుతుండడం, రూపాయి విలువ పడిపోతుండడంతో ఇన్వెస్టర్లు ప్రాఫిట్ బుకింగ్కు ప్రాధాన్యత ఇచ్చారు. దీంతో సూచీలు భారీగా పతనమయ్యాయి.
Stock Market Crash | నష్టాలతో ప్రారంభమై..
దేశీయ స్టాక్ మార్కెట్ (Domestic Stock Market) శుక్రవారం నష్టాలతో ప్రారంభమైంది. ఉదయం సెన్సెక్స్ 390 పాయింట్ల నష్టంతో ప్రారంభమై 21 పాయింట్లు పెరిగింది. అక్కడినుంచి 1,370 పాయింట్లు పతనమైంది. నిఫ్టీ 133 పాయింట్ల నష్టంతో ప్రారంభమై 13 పాయింట్లు పెరిగింది. ఇంట్రాడే గరిష్టాలనుంచి 382 పాయింట్లు పడిపోయింది. చివరికి సెన్సెక్స్ 1,690 పాయింట్ల నష్టంతో 73,583 వద్ద, నిఫ్టీ 486 పాయింట్ల నష్టంతో 22,819 వద్ద స్థిరపడ్డాయి.
Stock Market Crash | అన్నీ నష్టాల్లోనే..
అన్ని రంగాల ఇండెక్స్లు నష్టాల బాటలో పయనించాయి. నిఫ్టీ రియాలిటీ ఇండెక్స్ 3.17 శాతం, ఆటో 2.82 శాతం, ఫైనాన్షియల్ సర్వీసెస్ ఇండెక్స్ 2.69 శాతం, బ్యాంక్ నిఫ్టీ 2.67 శాతం, కన్జూమర్ డ్యూరెబుల్స్ 2.50 శాతం, క్యాపిటల్ గూడ్స్ 2.28 శాతం నష్టపోయాయి.
Stock Market Crash | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 822 కంపెనీలు లాభపడగా 3,544 స్టాక్స్ నష్టపోయాయి. 135 కంపెనీలు ఫ్లాట్గా ముగిశాయి. 67 కంపెనీలు 52 వారాల గరిష్టాల వద్ద ఉండగా.. 906 కంపెనీలు 52 వారాల కనిష్టాల వద్ద కదలాడాయి. బీఎసఈలో నమోదైన కంపెనీల సంపద విలువ రూ. 8.37 లక్షల కోట్ల మేర ఆవిరయ్యింది.
Gainers : బీఎస్ఈ సెన్సెక్స్లో 3 కంపెనీలు లాభాలతో, 27 కంపెనీలు నష్టాలతో ముగిశాయి. టీసీఎస్ 0.49 శాతం, ఎయిర్టెల్ 0.37 శాతం, పవర్గ్రిడ్ 0.10 శాతం లాభపడ్డాయి.
Top Losers : రిలయన్స్ 4.55 శాతం, ఇండిగో 4.54 శాతం, బజాజ్ ఫైనాన్స్ 4.32 శాతం, ఎస్బీఐ 3.82 శాతం, ఎటర్నల్ 3.76 శాతం నష్టపోయాయి.
ఇది కూడా చదవండి : Godrej Interio | భాగ్యనగర వాసుల సుఖవంతమైన నిద్రకు కారణమిదే..
