అక్షరటుడే, వెబ్డెస్క్: Stock Market Crash | జియో పొలిటికల్ టెన్షన్స్ కొనసాగుతుండడంతో క్రూడ్ ఆయిల్ ధరలు పైపైకి ఎగబాకుతూనే ఉన్నాయి. బ్యారెల్ రేటు 87.5 డాలర్లు దాటింది.
క్రూడ్ ఆయిల్ ధరల పెరుగుదలతోపాటు గ్లోబల్ మార్కెట్ల (Global Markets)లో వీక్నెస్, రూపాయి బలహీనత, ఎఫ్ఐఐల పెట్టుబడులు ఉపసంహరణ, గ్లోబల్ బ్రోకరేజ్ సంస్థ మోర్గాన్ స్టాన్లీ భారత స్టాక్ మార్కెట్ (Indian Stock Market) వెయిటేజీని తగ్గించడం వంటి కారణాలతో ఇన్వెస్టర్ల సెంటిమెంట్ దెబ్బతింది. దీంతో అమ్మకాల ఒత్తిడితో దేశీయ స్టాక్ మార్కెట్ భారీ నష్టాలతో ముగిసింది.
Stock Market Crash | నష్టాలతో ప్రారంభమై..
దేశీయ స్టాక్ మార్కెట్ శుక్రవారం నష్టాలతో ప్రారంభమై భారీ నష్టాల్లోకి జారుకుంది. ఉదయం సెన్సెక్స్ 357 పాయింట్ల నష్టంతో ప్రారంభమై 95 పాయింట్లు పైకి ఎగబాకింది. అక్కడినుంచి క్రమంగా పడిపోతూ 941 పాయింట్లు కోల్పోయింది. నిఫ్టీ 109 పాయింట్ల నష్టంతో ప్రారంభమై 44 పాయింట్లు పెరిగింది. ఇంట్రాడే గరిష్టాలనుంచి క్రమంగా క్షీణిస్తూ 285 పాయింట్లు నష్టపోయింది. చివరికి సెన్సెక్స్ 1,097 పాయింట్ల నష్టంతో 78,918 వద్ద, నిఫ్టీ 315 పాయింట్ల నష్టంతో 24,450 వద్ద స్థిరపడ్డాయి.
Stock Market Crash | క్యాపిటల్ గూడ్స్, పవర్ సెక్టార్లు మినహా..
క్యాపిటల్ గూడ్స్, పవర్, ఐటీ సెక్టార్లు మినహా మిగిలిన అన్ని రంగాల ఇండెక్స్లు నష్టాలతో ముగిశాయి. నిఫ్టీ (Nifty) క్యాపిటల్ గూడ్స్ ఇండెక్స్ 1.30 శాతం, పవర్ 0.44 శాతం, యుటిలిటీ 0.73 శాతం, ఐటీ 0.04 శాతం లాభపడ్డాయి. రియాలిటీ ఇండెక్స్ 2.08 శాతం, బ్యాంక్ నిఫ్టీ 2.15 శాతం, ఫైనాన్షియల్ ఇండెక్స్ 2.12 శాతం, ఆటో 1.06 శాతం నష్టంతో ముగిశాయి.
Stock Market Crash | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 1,895 కంపెనీలు లాభపడగా 2,304 స్టాక్స్ నష్టపోయాయి. 175 కంపెనీలు ఫ్లాట్గా ముగిశాయి. 69 కంపెనీలు 52 వారాల గరిష్టాల వద్ద ఉండగా.. 258కంపెనీలు 52 వారాల కనిష్టాల వద్ద కదలాడాయి. 7 కంపెనీలు అప్పర్ సర్క్యూట్ను, 11 కంపెనీలు లోయర్ సర్క్యూట్ను తాకాయి. బీఎస్ఈలో నమోదైన కంపెనీల సంపద విలువ రూ. 2.70 లక్షల కోట్లమేర తగ్గింది.
Top Gainers : బీఎస్ఈ సెన్సెక్స్లో 7 కంపెనీలు లాభాలతో, 23 కంపెనీలు నష్టాలతో ముగిశాయి. బీఈఎల్ 1.82 శాతం, రిలయన్స్ 1.11 శాతం, సన్ఫార్మా 0.68, ఎన్టీపీసీ 0.61 శాతం, పవర్గ్రిడ్ 0.35 శాతం లాభపడ్డాయి.
Top Losers : ఎటర్నల్ 3.39 శాతం, ఐసీఐసీఐ బ్యాంక్ 3.39 శాతం, యాక్సిస్ బ్యాంక్ 2.58 శాతం, అల్ట్రాటెక్ సిమెంట్ 2.56 శాతం, హెచ్డీఎఫ్సీ బ్యాంక్ 2.39 శాతం నష్టపోయాయి.
ఇది కూడా చదవండి..: Stock Market Losses | తగ్గని ఉద్రిక్తతలు.. భారీ నష్టాల్లో స్టాక్ మార్కెట్లు
