అక్షరటుడే, వెబ్డెస్క్: Stock Market Crash | అమెరికా, ఇరాన్ల మధ్య యుద్ధం ముగింపునకు సంబంధించి ఎటువంటి సంకేతాలు అందకపోవడంతో స్టాక్ మార్కెట్ (Stock Market) లో బేర్ హవా కొనసాగుతోంది. దీంతో ఇన్వెస్టర్లు భారీగా నష్టపోతున్నారు.
శTక్రవారం ఉదయం సెన్సెక్స్ 590 పాయింట్ల నష్టంతో ప్రారంభమై మొదట్లో 132 పాయింట్లు పెరిగింది. తిరిగి అమ్మకాల ఒత్తిడితో 1,122 పాయింట్లు పతనమైంది. నిఫ్టీ 177 పాయింట్ల నష్టంతో ప్రారంభమై 30 పాయింట్లు పెరిగినా నిలదొక్కుకోలేకపోయింది. ఇంట్రాడే గరిష్టాలనుంచి 380 పాయింట్లు పడిపోయింది. చివరికి సెన్సెక్స్ 1,470 పాయింట్ల నష్టంతో 74,563 వద్ద, నిఫ్టీ 488 పాయింట్ల నష్టంతో 23,151 వద్ద స్థిరపడ్డాయి.
Stock Market Crash | అన్ని రంగాల్లో సెల్లాఫ్..
పశ్చిమాసియాలో అనిశ్చిత పరిస్థితులు, క్రూడ్ ఆయిల్ (Crude Oil) ధరల పెరుగుదల, ఎఫఐఐల నిరంతర అమ్మకాలు, రూపాయి రోజుకో జీవనకాల కనిష్టాన్ని నమోదు చేస్తుండడం వంటి కారణాలతో అన్ని రంగాలలో భారీగా అమ్మకాల ఒత్తిడి నెలకొంది. దీంతో అన్ని ప్రధాన రంగాల ఇండెక్స్లు నష్టాలతో ముగిశాయి. నిఫ్టీలో (Nifty) మెటల్ ఇండెక్స్ 4.82 శాతం, ఆటో ఇండెక్స్ 3.60 శాతం, మీడియా 3.56 శాతం, క్యాపిటల్ గూడ్స్ 2.99 శాతం, టెలికాం 2.57 శాతం, బ్యాంక్ నిఫ్టీ 2.44 శాతం, కన్జూమర్ డ్యూరెబుల్స్ 2.36 శాతం, ఆయిల్ అండ్ గ్యాస్ 2.18 శాతం, ఫైనాన్షియల్ సర్వీసెస్ 2.05 శాతం, పవర్ 1.91 శాతం, ఫార్మా 1.90 శాతం నష్టపోయాయి.
Stock Market Crash | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 941 కంపెనీలు లాభపడగా 3,348 స్టాక్స్ నష్టపోయాయి. 132 కంపెనీలు ఫ్లాట్గా ముగిశాయి. 55 కంపెనీలు 52 వారాల గరిష్టాల వద్ద ఉండగా.. 563 కంపెనీలు 52 వారాల కనిష్టాల వద్ద కదలాడాయి. 8 కంపెనీలు అప్పర్ సర్క్యూట్ను, 16 కంపెనీలు లోయర్ సర్క్యూట్ను తాకాయి. బీఎస్ఈలో నమోదు అయిన కంపెనీల సంపద విలువ రూ. 9.71 లక్షల కోట్ల మీద తగ్గింది.
Top gainers : బీఎస్ఈ సెన్సెక్స్లో 2 కంపెనీలు లాభాలతో, 28 కంపెనీలు నష్టాలతో ముగిశాయి. హెచ్యూఎల్ 1.18 శాతం, ఎయిర్టెల్ 0.33 శాతం లాభపడ్డాయి.
Top losers : ఎల్టీ 7.52 శాతం, టాటా స్టీల్ 5.20 శాతం, ఎస్బీఐ 3.55 శాతం, బీఈఎల్ 3.12 శాతం, మారుతి 3.12 శాతం నష్టపోయాయి.
ఇది కూడా చదవండి..: TVS Orbiter V1 | రూ.49,999 లకే టీవీఎస్ ఈవీ స్కూటర్.. ఆర్బిటర్ వీ1 ను లాంచ్ చేసిన కంపెనీ
