అక్షరటుడే, వెబ్డెస్క్: Stock Market Gains | పశ్చిమాసియాలో యుద్ధం కొనసాగుతున్నా.. క్రూడ్ ఆయిల్ (Crude Oil) ధరలు తగ్గుతున్నాయి. హార్ముజ్ జలసంధికి ప్రత్యామ్నాయంగా టర్కీ మీదుగా చమురు ఎగుమతులను పున:ప్రారంభించేందుకు గల్ఫ్ దేశాలు చర్యలు తీసుకుంటున్నాయన్న సమాచారంతో గ్లోబల్ మార్కెట్లు ఉపశమనం పొందుతున్నాయి.
Stock Market Gains | లాభాల బాటలో
దీని ప్రభావంతో దేశీయ స్టాక్ మార్కెట్ (Stock Market) సైతం లాభాల బాటలో కొనసాగుతోంది.బుధవారం ఉదయం సెన్సెక్స్ 297 పాయింట్ల లాభంతో ప్రారంభమై అక్కడినుంచి మరో 242 పాయింట్లు పెరిగింది. గరిష్టాల వద్ద ప్రాఫిట్ బుకింగ్తో ఒత్తిడికి గురై అక్కడినుంచి 422 పాయింట్లు తగ్గింది. నిఫ్టీ 51 పాయింట్ల లాభంతో ప్రారంభమై అక్కడినుంచి 122 పాయిట్లు పైకి ఎగబాకింది. గరిష్టాలనుంచి 136 పాయింట్లు పడిపోయింది. కనిష్టాల వద్ద ఇన్వెస్టర్లు తిరిగి కొనుగోళ్లకు మద్దతుగా నిలవడంతో సూచీలు వీ షేప్లో రికవరీ అయ్యాయి. ఉదయం 11 గంటల ప్రాంతంలో సెన్సెక్స్ 636 పాయింట్ల లాభంతో 76,707 వద్ద, నిఫ్టీ 196 పాయింట్ల లాభంతో 23,777 వద్ద కదలాడుతున్నాయి.
Stock Market Gains | ఐటీలో జోరు..
మెటల్ సెక్టార్ మినహా మిగిలిన అన్ని రంగాల ఇండెక్స్లు లాభాల బాటలో సాగుతున్నాయి. ఐటీ ఇండెక్స్ ఈరోజు జోరుమీదుంది. నిఫ్టీ (Nifty) ఐటీ ఇండెక్స్ 3.91 శాతం, మీడియా ఇండెక్స్ 2.95 శాతం, టెలికాం 2.44 శాతం, ఆటో 1.99 శాతం, క్యాపిటల్ గూడ్స్, రియాలిటీ ఇండెక్స్లు ఒక శాతానికిపైగా లాభంతో కదలాడుతున్నాయి. నిఫ్టీ మెటల్ ఇండెక్స్ 0.42 నష్టంతో ఉంది.
Top gainers : బీఎస్ఈ సెన్సెక్స్లో 23 స్టాక్స్ లాభాలతో ఉండగా.. 7 స్టాక్స్ నష్టాలతో ట్రేడ్ అవుతున్నాయి. ఇన్ఫోసిస్ 4.05 శాతం, హెచ్సీఎల్ టెక్ 4.03 శాతం, టెక్ మహీంద్రా 3.97 శాతం, టీసీఎస్ 3.63 శాతం, ఎటర్నల్ 3.13 శాతం లాభాలతో ఉన్నాయి.
Top losers : హెచ్డీఎఫ్సీ బ్యాంక్ 0.89 శాతం, బజాజ్ ఫైనాన్స్ 0.71 శాతం, కొటక్ బ్యాంక్ 0.39 శాతం, ఎన్టీపీసీ 0.38 శాతం, ఐసీఐసీఐ బ్యాంక్ 0.37 శాతం నష్టాలతో ఉన్నాయి.
ఇది కూడా చదవండి..: Samsung Galaxy M17e | శాంసంగ్ నుంచి మరో బడ్జెట్ ఫోన్.. ధర, స్పెసిఫికేషన్స్ ఎలా ఉన్నాయంటే?
