అక్షరటుడే, వెబ్డెస్క్ : Stock Market Gains | అమెరికా, ఇరాన్ మధ్య యుద్ధ(War) విరమణకు సంబంధించిన సానుకూల వాతావరణం ఏర్పడుతోందన్న మీడియా రిపోర్ట్లతో స్టాక్ మార్కెట్లు కోలుకుంటున్నాయి.
ఇరాన్ తనకు మంచి గిఫ్ట్ ఇచ్చిందని అమెరికా అధ్యక్షుడు ట్రంప్ (US President Trump) పేర్కొనడం, తమతో శతృత్వం లేని దేశాల నౌకలు హర్ముజ్ జలసంధి మీదుగా ప్రయాణించడానికి అభ్యంతరం లేదని ఇరాన్ ప్రకటించడంతో ఉద్రిక్తతలు తగ్గవచ్చన్న అంచనాలతో ఇన్వెస్టర్లు పాజిటివ్గా మారుతున్నారు. క్రూడ్ ఆయిల్ (Crude Oil) ధరలతోపాటు డాలర్, బాండ్ ఈల్డ్స్ తగ్గడం కూడా కలిసివచ్చింది. దీంతో స్టాక్ మార్కెట్లు (Stock Markets) పరుగులు తీస్తున్నాయి.
Stock Market Gains | భారీ లాభాల దిశగా..
బుధవారం ఉదయం సెన్సెక్స్ (Sensex) 584 పాయింట్ల లాభంతో ప్రారంభమైనా మొదట్లో 102 పాయింట్లు తగ్గింది. తర్వాత పుంజుకుని 1,299 పాయింట్లు పెరిగింది. నిఫ్టీ 152 పాయింట్ల లాభంతో ప్రారంభమై అక్కడినుంచి మరో 402 పాయింట్లు పెరిగింది. మధ్యాహ్నం 12.40 గంటల ప్రాంతంలో సెన్సెక్స్ 1,691 పాయింట్ల లాభంతో 75,760 వద్ద, నిఫ్టీ (Nifty) 532 పాయింట్ల లాభంతో 23,444 వద్ద కదలాడుతున్నాయి.
Stock Market Gains | అన్ని రంగాలూ లాభాల్లోనే..
అన్ని రంగాల ఇండెక్స్లు లాభాల బాటలో పయనిస్తున్నాయి. నిఫ్టీ కన్జూమర్ డ్యూరెబుల్స్ ఇండెక్స్ 4.08 శాతం లాభంతో ఉండగా.. ఫార్మా, రియాలిటీ, క్యాపిటల్ గూడ్స్, మీడియా, ఎఫ్ఎంసీజీ, ఆటో, బ్యాంకింగ్, ఫైనాన్షియల్ ఇండెక్స్లు 2 శాతానికిపైగా లాభాలతో కదలాడుతున్నాయి.
Top Gainers : బీఎస్ఈ సెన్సెక్స్లో 28 స్టాక్స్ లాభాలతో ఉండగా.. 2 స్టాక్స్ నష్టాలతో ట్రేడ్ అవుతున్నాయి. టైటాన్ 4.90 శాతం, ట్రెంట్ 4.54 శాతం, హెచ్డీఎఫ్ సీ బ్యాంక్ 3.84 శాతం, యాక్సిస్ బ్యాంక్ 3.78 శాతం, ఎంఅండ్ఎం 3.71 శాతం లాభాలతో ఉన్నాయి.
Losers : టెక్ మహీంద్రా 0.67 శాతం, పవర్గ్రిడ్ 0.10 శాతం నష్టంతో ఉన్నాయి.
ఇది కూడా చదవండి..: March 25 Pre Market Analysis | మిక్స్డ్గా గ్లోబల్ మార్కెట్లు.. గ్యాప్ అప్ ఓపెనింగ్ను సూచిస్తున్న గిఫ్ట్ నిఫ్టీ
