అక్షరటుడే, వెబ్డెస్క్: Stock Market Losses | హార్మూజ్ జలసంధి (Strait of Hormuz)ని పూర్తిగా తెరవడం కోసం ఇరాన్కు అమెరికా అధ్యక్షుడు డొనాల్డ్ ట్రంప్ ఇరాన్కు విధించిన గడువు మరికొన్ని గంటల్లో ముగియనుంది. ఇరాన్ దీనికి అంగీకరించకపోతే అత్యంత తీవ్ర స్థాయిలో విరుచుకుపడతామంటూ ట్రంప్ (Donald Trump) హెచ్చరించిన విషయం తెలిసిందే.
కొద్ది గంటల్లోనే గడువు ముగియనుండడంతో పరిస్థితి ఎలా మారుతుందోనని ఇన్వెస్టర్లు ఆందోళన చెందుతున్నారు. ఇదే సమయంలో ఇరు దేశాల మధ్య సీజ్ ఫైర్ ఒప్పందం కుదురుతుందన్న ఆశతోనూ ఉన్నారు. దీంతో మార్కెట్లు తీవ్ర ఒడిదుడుకుల మధ్య సాగుతున్నాయి.
Stock Market Losses | గ్యాప్ డౌన్లో ప్రారంభమై..
దేశీయ స్టాక్ మార్కెట్ (Domestic Stock Market) మంగళవారం నష్టాతో ప్రారంభమైంది. ఉదయం సెన్సెక్స్ 372 పాయింట్ల నష్టంతో ప్రారంభమై మరో 452 పాయింట్లు కోల్పోయింది. కనిష్టాల వద్ద లభించిన కొనుగోళ్ల మద్దతుతో 791 పాయింట్లు పైకి ఎగబాకింది. నిఫ్టీ 130 పాయింట్ల నష్టంతో ప్రారంభమై మరో 119 పాయింట్లు పడిపోయింది. అక్కడినుంచి కోలుకుని 247 పాయింట్లు పెరిగింది. ఉదయం 11 గంటల ప్రాంతంలో సెన్సెక్స్ 461 పాయింట్ల నష్టంతో 73,644 వద్ద, నిఫ్టీ 140 పాయింట్ల నష్టంతో 22,827 వద్ద ఉన్నాయి.
Stock Market Losses | మిశ్రమంగా సూచీలు..
దేశీయ స్టాక్ మార్కెట్లోని ఇండెక్స్లు మిక్స్డ్గా ఉన్నాయి. ఐటీ, మెటల్, రియాలిటీ, మీడియా రంగాలు పాజిటివ్గా ఉండగా.. బ్యాంకింగ్, ఫైనాన్షియల్, ఆటో, కన్జూమర్ డ్యూరెబుల్, ఆయిల్ అండ్ గ్యాస్ సెక్టార్లు నష్టాల బాటలో పయనిస్తున్నాయి.
Top Gainers : బీఎస్ఈ సెన్సెక్స్లో 8 స్టాక్స్ లాభాలతో ఉండగా.. 22 స్టాక్స్ నష్టాలతో ట్రేడ్ అవుతున్నాయి. హెచ్సీఎల్ టెక్ 2.19 శాతం, టీసీఎస్ 1.55 శాతం, టెక్ మహీంద్రా 1.35 శాతం, ఇన్ఫోసిస్ 1.21 శాతం, ఎయిర్టెల్ 0.91 శాతం లాభాలతో ఉన్నాయి.
Top Losers : ఎంఅండ్ఎం 1.78 శాతం, ఇండిగో 1.77 శాతం, యాక్సిస్ బ్యాంక్ 1.57 శాతం, టైటాన్ 1.47 శాతం, అల్ట్రాటెక్ సిమెంట్ 1.39 శాతం నష్టంతో ఉన్నాయి.
ఇది కూడా చదవండి..: April 07 Pre Market Analysis | మిక్స్డ్ ఆసియా మార్కెట్లు.. గ్యాప్ డౌన్ ఓపెనింగ్ను సూచిస్తున్న గిఫ్ట్ నిఫ్టీ
