అక్షరటుడే, వెబ్డెస్క్ : Stock Market Rally | అమెరికా, ఇరాన్ల మధ్య ఐదు వారాలుగా కొనసాగుతున్న యుద్ధంతో కుదేలవుతున్న స్టాక్ మార్కెట్లు (Stock Markets).. బుధవారం ఊపిరి పీల్చుకున్నాయి. బేర్స్పై బుల్స్ ఆధిపత్యం సాధించడంతో సూచీలు భారీగా పెరిగాయి.
గ్లోబల్ మార్కెట్లు పాజిటివ్గా ఉండడం, తమకు అమెరికా పంపిస్తున్న సందేశాలు చేరుతున్నాయని ఇరాన్ పేర్కొనడం, క్రూడ్ ఆయిల్ (Crude Oil) ధర దిగిరావడం వంటి కారణాలతో ఇన్వెస్టర్లలో ఆశావాదం పెరిగింది. దీంతో కనిష్ట స్థాయిల వద్ద కొనుగోళ్లకు మద్దతుగా నిలవడంతో మార్కెట్లు పరుగులు తీశాయి.
Stock Market Rally | భారీ లాభాలతో ప్రారంభమై..
దేశీయ స్టాక్ మార్కెట్ (Domestic Stock Market) బుధవారం భారీ లాభాలతో ప్రారంభమైంది. ఉదయం సెన్సెక్స్ 1,815 పాయింట్లు, నిఫ్టీ 568 పాయింట్ల లాభంతో ప్రారంభమయ్యాయి. సెన్సెక్స్ 72,971 నుంచి 73,964 పాయింట్ల మధ్యలో, నిఫ్టీ 22,618 నుంచి 22,941 పాయింట్ల మధ్యలో ట్రేడ్ అయ్యాయి. గరిష్టాల వద్ద ఇన్వెస్టర్లు ప్రాఫిట్ బుకింగ్కు దిగడంతో ప్రారంభంలో వచ్చిన లాభాలు తగ్గిపోయాయి. చివరికి సెన్సెక్స్ 1,186 పాయింట్ల లాభంతో 73,134 వద్ద, నిఫ్టీ 348 పాయింట్ల లాభంతో 22,679 వద్ద స్థిరపడ్డాయి.
Stock Market Rally | ఫార్మా మినహా..
ఫార్మా మినహా అన్ని ఇండెక్స్ లూ లాభాలతో ముగిశాయి. మీడియా 3.69 శాతం, క్యాపిటల్ గూడ్స్ 3.29 శాతం పెరగ్గా.. మెటల్, కన్జూమర్ డ్యూరెబుల్స్, ఫైనాన్షియల్ సర్వీసెస్, బ్యాంకింగ్, రియాలిటీ, ఐటీ ఇండెక్స్లు రెండు శాతానికిపైగా లాభపడ్డాయి. ఫార్మా ఇండెక్స్ 0.99 శాతం నష్టపోయింది.
Stock Market Rally | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 3,828 కంపెనీలు లాభపడగా 508 స్టాక్స్ నష్టపోయాయి. 101 కంపెనీలు ఫ్లాట్గా ముగిశాయి. 62 కంపెనీలు 52 వారాల గరిష్టాల వద్ద ఉండగా.. 220 కంపెనీలు 52 వారాల కనిష్టాల వద్ద కదలాడాయి. బీఎసఈలో నమోదైన కంపెనీల సంపద విలువ రూ. 10 లక్షల కోట్ల మేర పెరిగింది.
Top Gainers : బీఎస్ఈ సెన్సెక్స్లో 25 కంపెనీలు లాభాలతో, 5 కంపెనీలు నష్టాలతో ముగిశాయి. ట్రెంట్ 6.74 శాతం, ఇండిగో 6.01 శాతం, అదాని పోర్ట్స్ 5.47 శాతం, బీఈఎల్ 4.54 శాతం, ఎస్బీఐ 3.89 శాతం లాభపడ్డాయి.
Losers : ఎన్టీపీసీ 1.64 శాతం, సన్ ఫార్మా 1.64 శాతం, పవర్గ్రిడ్ 1.13 శాతం, అల్ట్రాటెక్ సిమెంట్ 0.29 శాతం, ఎయిర్టెల్ 0.13 శాతం నష్టపోయాయి.
ఇది కూడా చదవండి..: April 01 Gold Rates | మళ్లీ పెరుగుతున్న బంగారం ధర.. చెన్నైలో మాత్రం కాస్త శాంతించిన పసిడి
