అక్షరటుడే, వెబ్డెస్క్: Stock Market Recovery | దేశీయ స్టాక్ మార్కెట్ (Domestic Stock Market) గురువారం భారీ ఒడిదుడుకుల మధ్య సాగింది. ఉదయం భారీ గ్యాప్ డౌన్ లో ప్రారంభమైన ప్రధాన సూచీలు మధ్యాహ్నం తర్వాత కోలుకుని చివరికి లాభాలతో ముగిశాయి.
రూపాయి విలువ బలపడడం, కనిష్టాల వద్ద కంపెనీల వాల్యూయేషన్స్ సరైనవిగా కనిపించంతో ఇన్వెస్టర్లు కొనుగోళ్లకు మద్దతు ఇచ్చారు. దీంతో మార్కెట్లు కోలుకున్నాయి. రెండు వరుస సెషన్లు లాభాలతో ముగిసినా.. సెన్సెక్స్, నిఫ్టీలు వరుసగా ఆరో వారాన్ని నష్టాలతోనే ముగించాయి.
Stock Market Recovery | భారీ గ్యాప్ డౌన్ లో ప్రారంభమై..
దేశీయ స్టాక్ మార్కెట్ గురువారం భారీ నష్టాలతో ప్రారంభమైంది. ఉదయం సెన్సెక్స్ 872 పాయింట్ల నష్టంతో ప్రారంభమై మరో 717 పాయింట్లు కోల్పోయింది. మధ్యాహ్నం తర్వాత కోలుకుని 2,023 పాయింట్లు పైకి ఎగబాకింది. నిఫ్టీ 296 పాయింట్ల నష్టంతో ప్రారంభమై 11 పాయింట్లు పెరిగింది. అక్కడినుంచి మరో 212 పాయింట్లు పడిపోయింది. కనిష్టాల వద్ద కొనుగోళ్ల మద్దతుతో 600 పాయింట్లు పెరిగింది. చివరికి సెన్సెక్స్ 185 పాయింట్ల లాభంతో 73,319 వద్ద, నిఫ్టీ 33 పాయింట్ల లాభంతో 22,713 వద్ద స్థిరపడ్డాయి.
Stock Market Recovery | బలపడిన రూపాయి..
డాలర్ తో పోల్చితే కొంతకాలంగా బలహీనపడుతూ వస్తున్న రూపాయి విలువ గురువారం భారీగా పెరిగింది. ఇంట్రాడేలో 92.82 వరకు పెరిగినా.. ఆ తర్వాత లాభాల స్వీకరణతో కాస్త తగ్గి 93.10 వద్ద నిలిచింది. రూపాయి పతనాన్ని అడ్డుకునేందుకు ఆర్బీఐ తీసుకొచ్చిన మార్గదర్శకాలతో బలపడుతోందని భావిస్తున్నారు.
Stock Market Recovery | ఆదుకున్న ఐటీ..
ఐటీ ఇండెక్స్ 2.60 శాతం, రియాలిటీ ఇండెక్స్ 1.07 శాతం, టెలికాం 0.36 శాతం, పెరిగాయి. ఫార్మా 0.92 శాతం, కన్జూమర్ డ్యూరెబుల్స్ 0.87 శాతం, ఆయిల్ అండ్ గ్యాస్ 0.79 శాతం, ఆటో 0.62 శాతం, ఎనర్జీ ఇండెక్స్ 0.68 శాతం నష్టపోయాయి.
Stock Market Recovery | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 2,680 కంపెనీలు లాభపడగా 1,547 స్టాక్స్ నష్టపోయాయి. 160 కంపెనీలు ఫ్లాట్గా ముగిశాయి. 57 కంపెనీలు 52 వారాల గరిష్టాల వద్ద ఉండగా.. 157 కంపెనీలు 52 వారాల కనిష్టాల వద్ద కదలాడాయి.
Top Gainers : బీఎస్ఈ సెన్సెక్స్లో 19 కంపెనీలు లాభాలతో, 11 కంపెనీలు నష్టాలతో ముగిశాయి. హెచ్సీఎల్ టెక్ 3.47 శాతం, టెక్ మహీంద్రా 2.67 శాతం, ఇన్ఫోసిస్ 1.90 శాతం, టీసీఎస్ 1.80 శాతం, హెచ్డీఎఫ్ సీ బ్యాంక్ 1.21 శాతం లాభపడ్డాయి.
Top Losers : ఆసియన్ పెయింట్ 2.46 శాతం, ఎటర్నల్ 2.13 శాతం, సన్ఫర్మా 1.70 శాతం, ఎన్టీపీసీ 1.33 శాతం, రిలయన్స్ 1.31 శాతం నష్టపోయాయి.
ఇది కూడా చదవండి..: Ola Electric Sales Growth | ఓలా.. అమ్మకాలు భళా!
