అక్షరటుడే, వెబ్డెస్క్: Stock Market Volatility | పశ్చిమాసియాలో కొనసాగుతున్న యుద్ధంతో స్టాక్ మార్కెట్లు (Stock Markets) తీవ్ర ఒడిదుడుకులకు లోనవుతున్నాయి. క్రూడ్ ఆయిల్ (Crude Oil) ధర బ్యారెల్కు వంద డాలర్లపైనే ఉంటుండడం, రూపాయి విలువ స్వల్పంగా క్షీణించడం, ఎఫ్ ఐఐలు భారీగా అమ్మకాలకు పాల్పడుతుండడంతో ప్రధాన సూచీలు అమ్మకాల ఒత్తిడికి గురవుతున్నాయి.
Stock Market Volatility | లాభంతో ప్రారంభమైనా
కనిష్టాల వద్ద కొనుగోళ్లకు మద్దతుగా నిలుస్తున్న ఇన్వెస్టర్లు.. కాస్త పెరగ్గానే ప్రాఫిట్ బుకింగ్కు ప్రాధాన్యత ఇస్తున్నారు. దీంతో మార్కెట్లు లాభనష్టాల మధ్య ఊగిసలాడుతూ సాగుతున్నాయి. మంగళవారం ఉదయం సెన్సెక్స్ 324 పాయింట్ల లాభంతో ప్రారంభమైనా అక్కడినుంచి 502 పాయింట్లు కోల్పోయింది. కనిష్టాల వద్ద కొనుగోళ్ల మద్దతు లభించడంతో పుంజుకుని 690 పాయింట్లు ఎగబాకింది. నిఫ్టీ 85 పాయింట్ల లాభంతో ప్రారంభమై అక్కడినుంచి 147 పాయిట్లు పడిపోయింది. తిరిగి కోలుకుని కనిష్టాల వద్దనుంచి 231 పాయింట్లు పెరిగింది. అయితే గరిష్టాల వద్ద తిరిగి ప్రాఫిట్ బుకింగ్కు దిగడంతో సూచీలు పతనమయ్యాయి. ఉదయం 11.40 గంటల ప్రాంతంలో సెన్సెక్స్ 67 పాయింట్ల నష్టంతో 75,434 వద్ద, నిఫ్టీ 17 పాయింట్ల నష్టంతో 23,391 వద్ద కదలాడుతున్నాయి.
Stock Market Volatility | ఐటీలో ఆగని పతనం
ఏఐ షాక్నుంచి ఐటీ స్టాక్స్లో కోలుకోవడం లేదు. నిఫ్టీ 1.34 శాతం నష్టంతో కొనసాగుతోంది. ఎఫ్ ఎంసీజీ, ఆయిల్ అండ్ గ్యాస్, ఎనర్జీ, యుటిలిటీ, ఫార్మా, ఫైనాన్షియల్, బ్యాంకింగ్ ఇండెక్స్లు నష్టాల బాటలో ఉన్నాయి. మెటల్ ఇండెక్స్ 1.25 శాతం పెరగ్గా.. ఆటో, టెలికాం, మీడియా, క్యాపిటల్ గూడ్స్ ఇండెక్స్లు లాభాలతో ఉన్నాయి.
Top Gainers : బీఎస్ఈ సెన్సెక్స్లో 13 స్టాక్స్ లాభాలతో ఉండగా.. 17 స్టాక్స్ నష్టాలతో ట్రేడ్ అవుతున్నాయి. ఎటర్నల్ 3.72 శాతం, టాటా స్టీల్ 2 శాతం, ఎంఅండ్ ఎం 1.82 శాతం, ఎయిర్టెల్ 1.18 శాతం, బీఈఎల్ 0.98 శాతం లాభాలతో ఉన్నాయి.
Top Losers :బజాజ్ ఫైనాన్స్ 1.86 శాతం, ఇన్ఫోసిస్ 1.51 శాతం, అదానిపోర్ట్స్ 1.44 శాతం, ఎస్బీఐ 1.39 శాతం, పవర్గ్రిడ్ 1.16 శాతం నష్టాలతో ఉన్నాయి.
ఇది కూడా చదవండి..: March 17 Gold Rates | స్వల్పంగా తగ్గిన బంగారం, వెండి ధరలు.. పెళ్లిళ్ల సీజన్ ముందు మధ్యతరగతికి కాస్త ఊరట
