అక్షరటుడే, వెబ్డెస్క్ : Stock Market War Fears | అమెరికా, ఇరాన్ల మధ్య యుద్ధం ముదురుతుండడంతో పశ్చిమాసియా ప్రాంతంలో ఇప్పట్లో శాంతి నెలకొనే పరిస్థితులు కనిపించడం లేదు. ఇప్పటికే హార్ముజ్ జలసంధిని ఇరాన్ మూసివేయడంతో క్రూడ్ ఆయిల్ ధరలు భగ్గుమంటున్నాయి.
ప్రపంచాన్ని ద్రవ్యోల్బణం భయపెడుతుండడంతో ఇన్వెస్టర్లు ఆందోళన చెందుతున్నారు. క్రూడ్ ఆయిల్ (Crude Oil) ధరలకు రెక్కలు రావడం, రూపాయి విలువ ఏమాత్రం కోలుకోకపోవడం, ఫారిన్ ఇన్వెస్టర్లు దేశీయ స్టాక్ మార్కెట్నుంచి భారీగా పెట్టుబడులను ఉపసంహరిస్తుండడంతో స్టాక్ మార్కెట్ తీవ్రంగా నష్టపోతోంది.
Stock Market War Fears | కోలుకోని మార్కెట్లు..
దేశీయ స్టాక్ మార్కెట్ (Domestic Stock Market) శుక్రవారం సైతం భారీ నష్టాలతో ప్రారంభమైంది. ఉదయం సెన్సెక్స్ 590 పాయింట్ల నష్టంతో ప్రారంభమై మొదట్లో 132 పాయింట్లు పెరిగింది. తిరిగి అమ్మకాల ఒత్తిడితో 506 పాయింట్లు పతనమైంది. నిఫ్టీ 177 పాయింట్ల నష్టంతో ప్రారంభమై 30 పాయింట్లు పెరిగినా నిలదొక్కుకోలేకపోయింది. ఇంట్రాడే గరిష్టాలనుంచి 187 పాయింట్లు నష్టపోయింది. ఉదయం 11.40 గంటల ప్రాంతంలో సెన్సెక్స్ 702 పాయింట్ల నష్టంతో 75,331 వద్ద, నిఫ్టీ 242 పాయింట్ల నష్టంతో 23,396 వద్ద కదలాడుతున్నాయి.
Stock Market War Fears | ఎఫ్ఎంసీజీ మినహా..
దేశీయ స్టాక్ మార్కెట్లో ఎఫ్ఎంసీజీ సెక్టార్ మినహా మిగిలిన సూచీలు నష్టాల బాటలో సాగుతున్నాయి. నిఫ్టీలో ఎఫ్ఎంసీజీ 0.75 శాతం లాభాలతో ఉంది. మెటల్ ఇండెక్స్ 3.63 శాతం, ఆటో ఇండెక్స్ 2.22 శాతం, క్యాపిటల్ గూడ్స్ 2.20 శాతం, బ్యాంక్ నిఫ్టీ 1.62 శాతం, ఫైనాన్షియల్ సర్వీసెస్ 1.36 శాతం, టెలికాం 1.31 శాతం, ఫార్మా 1.37 శాతం, కన్జూమర్ డ్యూరెబుల్స్ 1.27 శాతం నష్టంతో కదలాడుతున్నాయి.
Top gainers : బీఎస్ఈ సెన్సెక్స్లో 8 స్టాక్స్ లాభాలతో ఉండగా.. 22 స్టాక్స్ నష్టాలతో ట్రేడ్ అవుతున్నాయి. హెచ్యూఎల్ 2.32 శాతం, ట్రెంట్ 1.03 శాతం, ఎయిర్టెల్ 0.73 శాతం, పవర్గ్రిడ్ 0.44 శాతం, ఎన్టీపీసీ 0.44 శాతం లాభాలతో ఉన్నాయి.
Top losers : ఎల్టీ 4.23 శాతం, టాటా స్టీల్ 3.83 శాతం, అల్ట్రాటెక్ సిమెంట్ 3.13 శాతం, బీఈఎల్ 2.72 శాతం, కొటక్ బ్యాంక్ 2.13 శాతం నష్టాలతో ఉన్నాయి.
ఇది కూడా చదవండి..: March 13 Gold Prices | బంగారం, వెండి ధరల్లో భారీ తగ్గుదల.. ప్రధాన నగరాల్లో తాజా పరిస్థితి ఇదే!
