అక్షరటుడే, వెబ్డెస్క్: Strengthen Bones Diet | సాధారణంగా మహిళల్లో 30 ఏళ్ల వయస్సు తర్వాత ఎముకల సాంద్రత క్రమంగా తగ్గడం ప్రారంభమవుతుంది. దీనివల్ల కాళ్లు, మోకాళ్ల నొప్పులు రావడం, చిన్నపాటి దెబ్బలకే ఎముకలు విరగడం లేదా అరిగిపోవడం వంటి సమస్యలు ఎదురవుతాయి.
ముఖ్యంగా మెనోపాజ్ దశకు చేరుకున్న మహిళల్లో ‘ఆస్టియోపోరోసిస్’ అనే వ్యాధి వచ్చే ముప్పు ఎక్కువగా ఉంటుంది. ఈ స్థితిలో ఎముకలు లోపల గుల్లబారిపోయి చాలా బలహీనంగా మారుతాయి. అందుకే శరీరానికి సరిపడా కాల్షియం అందించడం అత్యవసరం.
Strengthen Bones Diet | కాల్షియం పెంచుకునే ఆహార మార్గాలు:
మన దైనందిన ఆహారంలో కొన్ని మార్పులు చేసుకోవడం ద్వారా ఈ లోపాన్ని అధిగమించవచ్చు.
పాల ఉత్పత్తులు: పాలు, పెరుగు, మజ్జిగ కాల్షియానికి ప్రధాన వనరులు. శాఖాహారులు తమ డైట్లో పనీర్, చీజ్ వంటివి చేర్చుకోవడం వల్ల శరీరానికి కావాల్సిన పోషకాలు అందుతాయి.
డ్రై ఫ్రూట్స్: బాదం పప్పులో కాల్షియం సమృద్ధిగా ఉంటుంది. ప్రతిరోజు కొన్ని నానబెట్టిన బాదం గింజలు తినడం ఎముకలకు బలాన్నిస్తుంది.
ఆకుకూరలు: పాల పదార్థాలు పడని వారు లేదా ఇష్టపడని వారు ఒక కప్పు ఉడికించిన పాలకూరను తీసుకోవచ్చు. ఇది శరీరానికి ఒక రోజుకు కావాల్సిన కాల్షియంలో దాదాపు 25 శాతం వరకు అందిస్తుంది.
గుడ్లు: ప్రతిరోజు ఒక ఉడికించిన గుడ్డు తినడం వల్ల కాల్షియంతో పాటు విటమిన్-డి కూడా లభిస్తుంది. ఇవి రెండూ కలిసి ఎముకల నిర్మాణాన్ని పటిష్టం చేస్తాయి.
Strengthen Bones Diet | శోషణ శక్తి పెరగాలంటే..
కేవలం కాల్షియం ఉన్న ఆహారం తీసుకుంటే సరిపోదు, అది శరీరానికి అందడం కూడా ముఖ్యమే.
విటమిన్-డి: సూర్యరశ్మి ద్వారా లభించే విటమిన్-డి ఉంటేనే శరీరం కాల్షియాన్ని గ్రహించగలదు. అందుకే ప్రతిరోజు కనీసం ఒక గంట సేపు లేత ఎండ తగిలేలా తోటలో లేదా ఆరుబయట గడపాలి.
విటమిన్-సి: కాల్షియం ఎక్కువగా ఉన్న ఆహారం తీసుకున్న తర్వాత ఒక గ్లాసు బత్తాయి రసం తాగడం మంచిది. బత్తాయిలోని విటమిన్-సి, కాల్షియాన్ని శరీరం త్వరగా శోషించుకునేలా (Absorb) చేస్తుంది.
ఇది కూడా చదవండి: Multigrain Atta |మల్టీగ్రెయిన్ పిండి అమృతం.. వీరికి మాత్రం ముప్పే!
