Student Snake Bite | పదో తరగతి విద్యార్థికి పాముకాటు.. భయాందోళనలో విద్యార్థులు

అక్షరటుడే, కామారెడ్డి: Student Snake Bite | ప్రభుత్వ గురుకుల పాఠశాలలు, హాస్టళ్లలో మౌలిక వసతులు కల్పించాలని విద్యార్థి సంఘాలు డిమాండ్ చేస్తూనే ఉన్నాయి. కొన్ని గురుకుల పాఠశాలలు పాములకు ఆవాసంగా ఉన్నాయన్న ఆరోపణలున్నాయి.

Student Snake Bite | కామారెడ్డి పరిధిలోని సరంపల్లిలో..

తాజాగా మంగళవారం గురుకుల పాఠశాలలో పదో తరగతి విద్యార్థి పాముకాటుకు గురయ్యాడు. ఈ ఘటన కామారెడ్డి (Kamareddy) పరిధిలోని సరంపల్లి గ్రామం వద్ద ఉన్న ఎస్టీ గురుకుల పాఠశాలలో చోటుచేసుకుంది. గాంధారి మండలం (Gandhari Mandal) జెమిని తండాకు చెందిన బానోత్ చరణ్ ట్రైబల్ గురుకుల పాఠశాలలో పదో తరగతి చదువుతున్నాడు.

Student Snake Bite | స్టడీ అవర్స్​ సమయంలో..

ప్రస్తుతం పదో తరగతి పరీక్షలు (SSC Exams) కొనసాగుతుండగా విద్యార్థులకు స్టడీ అవర్స్ జరుగుతున్నాయి. ఈ క్రమంలో సోమవారం సాయంత్రం టీ బ్రేక్ ఇవ్వగా బయటకు వచ్చిన చరణ్​ను పాఠశాల గ్రౌండ్​లో పాము కాటు వేసింది. వెంటనే అప్రమత్తమైన సిబ్బంది జీజీహెచ్​కు తరలించారు. ప్రస్తుతం విద్యార్థి ఆరోగ్య పరిస్థితి నిలకడగా ఉన్నట్టుగా తెలుస్తోంది. పరీక్షలు జరుగుతున్న వేళ విద్యార్థి పాముకాటుకు గురికావడంతో విద్యార్థుల్లో భయం నెలకొంది.

ఇది కూడా చదవండి..: Balkonda House Theft | తాళం పగలగొట్టి.. ఇంట్లోకి చొరబడి.. బాల్కొండలో చోరీ!