అక్షరటుడే, వెబ్డెస్క్: Sukhoi Su-30 Crash | అస్సాంలోని కర్బి ఆంగ్లాంగ్ జిల్లా (Karbi Anglong District)లో గురువారం రాత్రి సుఖోయ్ సు-30 ఎంకేఐ ఫైటర్ జెట్ కూలిపోవడంతో ఇద్దరు భారత వైమానిక దళ (ఐఏఎఫ్) పైలట్లు మరణించారు. పైలట్లను స్క్వాడ్రన్ లీడర్ అనుజ్, ఫ్లైట్ లెఫ్టినెంట్ పూర్వేష్ దురాగ్కర్గా గుర్తించినట్లు వైమానిక దళం తెలిపింది.
అసోంలో భారత వాయుసేన (Indian Air Force)కు చెందిన కీలకమైన సుఖోయ్ యుద్ధ విమానం గురువారం గల్లంతు అయిన విషయం తెలిసిందే. వైమానిక ప్రాంతంలో శిక్షణ కొనసాగుతున్న సమయంలో విమానం రాడార్ కాంటాక్ట్ నుంచి అకస్మాత్తుగా మిస్ అయినట్లు అధికారులు తెలిపారు. అప్రమత్తమైన భారత వాయుసేన సదరు విమానం కోసం గాలింపు చర్యలు చేపట్టగా.. కూలిపోయినట్లు గుర్తించింది. ఐఏఎఫ్ సిబ్బంది అందరూ సంతాపాన్ని వ్యక్తం చేస్తున్నారు. ఈ దుఃఖ సమయంలో మృతుల కుటుంబానికి అండగా ఉంటామని ఎక్స్ వేదికగా ఇండియన్ ఎయిర్ ఫోర్స్ (Indian Air Force) పోస్ట్ చేసింది.
Sukhoi Su-30 Crash | కొద్దిసేపటికే..
సుఖోయ్– 30 ఎంకేఐ విమానం శిక్షణ సమయంలో కూలిపోయింది. జోర్హాట్ వైమానిక స్థావరం నుంచి బయలుదేరిన కొద్దిసేపటికే అదృశ్యమైంది. అది కూలిపోయిన ప్రదేశం నుంచి దాదాపు 60 కి.మీ. దూరంలో ఉంది. ఈ విమానం సాయంత్రం 7:42 గంటలకు కమ్యూనికేషన్ కోల్పోయినట్లు అధికారులు తెలిపారు. మారుమూల కొండ ప్రాంతంలో కూలిపోయినట్లు తెలిసింది. కొండ నుంచి పెద్ద పేలుడు శబ్దం వినిపించిందని స్థానికులు తెలిపారు.
Sukhoi Su-30 Crash | విషాదకరం
సుఖోయ్ విమాన ప్రమాదంపై రక్షణ మంత్రి రాజ్నాథ్ సింగ్ స్పందించారు. ప్రమాదంలో ఇద్దరు పైలట్లు మరణించడం పట్ల తాను “తీవ్ర విచారం వ్యక్తం చేస్తున్నాను” అని రక్షణ మంత్రి రాజ్నాథ్ (Minister Rajnath) సింగ్ అన్నారు. వారి ధైర్యం, దేశానికి చేసిన సేవ ఎల్లప్పుడూ గుర్తుంచుకుంటుందన్నారు. ఈ సమయంలో దేశం వారికి దేశం అండగా నిలుస్తుందన్నారు.
Sukhoi Su-30 Crash | దీర్ఘ శ్రేణి ఫైటర్ జెట్
సు-30 ఎంకేఐ అనేది రష్యన్ విమానాల తయారీదారు సుఖోయ్ అభివృద్ధి చేసిన రెండు సీట్ల, దీర్ఘ-శ్రేణి ఫైటర్ జెట్. దీనిని ఇప్పుడు ప్రభుత్వ రంగ ఏరోస్పేస్ మేజర్ హిందూస్తాన్ ఏరోనాటిక్స్ లిమిటెడ్ (హెచ్ఏఎల్) IAF లైసెన్స్ కింద నిర్మించింది. ఈ విమానం మొదటిసారిగా 1997లో భారత వైమానిక దళంలో చేరింది. జూన్ 2024లో మహారాష్ట్రలోని నాసిక్లో సుఖోయ్ యుద్ధ విమానం కూలిపోయింది. 2023 జనవరిలో సైతం సుఖోయ్-30 జెట్ కూలిపోయింది.
ఇది కూడా చదవండి..: Sukhoi Fighter Jet | అసోంలో సుఖోయ్ యుద్ధ విమానం గల్లంతు.. ఎయిర్ఫోర్స్ ముమ్మర గాలింపు
