అక్షరటుడే, వెబ్డెస్క్ : Suryakumar Yadav Retirement | టీమిండియా టీ20 కెప్టెన్ సూర్య కుమార్ యాదవ్ తన Suryakumar Yadav రిటైర్మెంట్పై వస్తున్న పుకార్లకు ఫుల్ స్టాప్ పెట్టాడు. ఐసీసీ మెన్స్ టీ20 వరల్డ్ కప్ 2026 అనంతరం అంతర్జాతీయ క్రికెట్కు గుడ్బై చెబుతాడని గత కొన్ని రోజులుగా వార్తలు వినిపించాయి.
మ్యాచ్లో గెలిచినా.. ఓడినా 35 ఏళ్ల సూర్య రిటైర్మెంట్ ప్రకటిస్తాడని ప్రచారం జరిగింది. అయితే ఆ వార్తలు నిజం కాదని సూర్యకుమార్ యాదవ్ (Suryakumar Yadav) తన వ్యాఖ్యలతో స్పష్టం చేశాడు. టీ20 ప్రపంచకప్ ఫైనల్ మ్యాచ్ ముగిసిన తర్వాత జరిగిన కార్యక్రమంలో జైషా చేతుల మీదుగా సూర్యకుమార్ యాదవ్ టైటిల్ను అందుకున్నాడు. మ్యాచ్ అనంతరం మీడియాతో మాట్లాడిన సూర్య తన భవిష్యత్ లక్ష్యాలను వెల్లడించాడు.
Suryakumar Yadav Retirement | ఇంక సమయం ఉంది..
“మా తదుపరి టార్గెట్ ఒలింపిక్ స్వర్ణం. 2028 సమ్మర్ ఒలంపిక్స్ (Summer Olympics)లో క్రికెట్లో గోల్డ్ మెడల్ సాధించాలనే లక్ష్యంతో ముందుకు సాగుతున్నాం. అదే ఏడాది జరిగే ఐసీసీ మెన్స్ టీ20 వరల్డ్ కప్ 2028 లో కూడా మంచి ప్రదర్శన ఇవ్వాలని భావిస్తున్నాం” అని సూర్యకుమార్ యాదవ్ తెలిపారు. ఈ వ్యాఖ్యలతో రిటైర్మెంట్ పుకార్లకు చెక్ పడింది. మరో రెండేళ్ల పాటు అయినా భారత జట్టు తరఫున ఆడే సంకేతాలు ఆయన ఇచ్చాడు. ఇక క్రికెట్ అభిమానులకు మరో ఆసక్తికర విషయం ఏమిటంటే.. సుమారు 128 ఏళ్ల విరామం తర్వాత ఒలింపిక్స్లోకి క్రికెట్ మళ్లీ అడుగుపెడుతోంది. 1900లో జరిగిన ఒలింపిక్స్ తర్వాత క్రికెట్కు మళ్లీ అవకాశం దక్కడం ఇదే మొదటిసారి.
Suryakumar Yadav Retirement | 2028 సమ్మర్ ఒలంపిక్స్ లాస్ ఏంజెల్స్ లో
2028 సమ్మర్ ఒలంపిక్స్ అమెరికాలోని లాస్ ఏంజెల్స్ (Los Angeles)లో జరగనుండగా, క్రికెట్ పోటీలు 2028 జూలై 12 నుంచి ప్రారంభమవుతాయి. ఒలింపిక్స్ అధికారిక ప్రారంభానికి రెండు రోజుల ముందే ఈ మ్యాచ్లు మొదలవుతాయి. క్రికెట్ పోటీలు జూలై 29న ముగియనున్నాయి. ఈ మ్యాచ్లన్నీ కూడా లాస్ ఎంజెలెస్కు సుమారు 50 కిలోమీటర్ల దూరంలో ఉన్న పొమోనో లోని ఫెయిర్ ప్లెక్స్ స్టేడియం (Fairplex Stadium)లో నిర్వహించనున్నారు. అక్కడ ప్రత్యేకంగా 500 ఎకరాల విస్తీర్ణంలో తాత్కాలిక స్టేడియాన్ని నిర్మిస్తున్నారు.ఒలింపిక్స్లో క్రికెట్ పోటీలు టీ20 ఫార్మాట్లో జరగనున్నాయి. పురుషులు, మహిళల విభాగాల్లో మొత్తం ఆరు జట్లు మాత్రమే పాల్గొంటాయి. ఈ ఆరు జట్లు స్వర్ణ, రజత, కాంస్య పతకాల కోసం పోటీ పడనున్నాయి.
ఇది కూడా చదవండి..: T20 World Cup 2026 | టీ20 వరల్డ్కప్లో చరిత్ర సృష్టించిన భారత్.. నమోదైన రికార్డులు ఇవే..!
