అక్షరటుడే, వెబ్డెస్క్ : T20 World Cup Final | టీ20 వరల్డ్ కప్ 2026 (T20 World Cup 2026) సెమీఫైనల్లో భారత జట్టు మరోసారి తన ప్రతిభను నిరూపించింది. ముంబై వేదికగా జరిగిన ఈ కీలక పోరులో ఇంగ్లాండ్ జట్టుపై 7 పరుగుల తేడాతో విజయం సాధించి ఫైనల్కు దూసుకెళ్లింది. మ్యాచ్ అంతా ఉత్కంఠభరితంగా సాగి అభిమానులను కుర్చీలకు అతుక్కుపోయేలా చేసింది.
ఈ మ్యాచ్లో టాస్ గెలిచిన భారత్ ముందుగా బ్యాటింగ్ ఎంచుకుంది. భారత బ్యాటర్లు ఆరంభం నుంచే దూకుడుగా ఆడి భారీ స్కోర్ నమోదు చేశారు. ముఖ్యంగా సంజూ ఆడిన కీలక ఇన్నింగ్స్ జట్టుకు బలమైన పునాది వేసింది. ఇతర బ్యాటర్లు కూడా సహకరించడంతో భారత జట్టు నిర్ణీత 20 ఓవర్లలో 253 పరుగుల భారీ స్కోర్ సాధించింది.
T20 World Cup Final | భారత్దే కప్పు…
భారీ లక్ష్యంతో బరిలోకి దిగిన ఇంగ్లాండ్ జట్టు (England Team) కూడా గట్టిగానే పోరాడింది. వారి బ్యాటర్లు ధైర్యంగా ఆడుతూ చివరి వరకు మ్యాచ్ను ఉత్కంఠభరితంగా మార్చారు. ముఖ్యంగా బెథెల్ అద్భుత శతకం సాధించి జట్టుకు విజయం అందించేందుకు ప్రయత్నించాడు. అయినప్పటికీ భారత బౌలర్లు కీలక సమయాల్లో వికెట్లు తీసి ఇంగ్లాండ్ను 246 పరుగులకే పరిమితం చేశారు. దీంతో భారత్ 7 పరుగుల తేడాతో విజయం సాధించింది. ఈ విజయంతో భారత్ వరుసగా రెండోసారి టీ20 వరల్డ్ కప్ ఫైనల్కు చేరుకుంది. గత కొన్ని సంవత్సరాలుగా భారత్–ఇంగ్లాండ్ మధ్య సెమీఫైనల్ మ్యాచ్లు ఆసక్తికరమైన ట్రెండ్ను సృష్టిస్తున్నాయి. 2022 టీ20 వరల్డ్ కప్ సెమీఫైనల్లో ఇంగ్లాండ్ భారత్ను ఓడించి తరువాత ఫైనల్లో పాకిస్తాన్ (Pakistan)పై విజయం సాధించి ఛాంపియన్గా నిలిచింది.
T20 World Cup Final | భారత్ న్యూజిలాండ్ జట్టుతో తలపడనుం
అలాగే 2024లో జరిగిన టీ20 వరల్డ్ కప్ సెమీఫైనల్లో భారత్ ఇంగ్లాండ్ను ఓడించింది. ఆ తర్వాత రోహిత్ శర్మ నాయకత్వంలో భారత జట్టు ట్రోఫీని గెలుచుకుంది. ఇప్పుడు 2026లో కూడా భారత్ సెమీఫైనల్లో ఇంగ్లాండ్ను ఓడించడం ఆసక్తికరంగా మారింది. దీంతో ఈసారి కూడా అదే ట్రెండ్ కొనసాగుతుందా అనే చర్చ క్రికెట్ అభిమానుల్లో మొదలైంది. ఈ టోర్నమెంట్ ఫైనల్లో భారత్ న్యూజిలాండ్ జట్టుతో తలపడనుంది. అహ్మదాబాద్లోని నరేంద్ర మోడీ (Narendra Modi)స్టేడియం ఈ కీలక పోరుకు వేదిక కానుంది. ఈ మ్యాచ్లో భారత్ విజయం సాధిస్తే వరుసగా రెండు టీ20 వరల్డ్ కప్లను గెలిచిన తొలి జట్టుగా చరిత్ర సృష్టించే అవకాశం ఉంది. దీంతో ఫైనల్ మ్యాచ్పై దేశవ్యాప్తంగా భారీ ఆసక్తి నెలకొంది.
ఇది కూడా చదవండి..: India Semi Final Win | సెమీస్లో భారత్ థ్రిల్లింగ్ విజయం.. 25 రికార్డులు నమోదు
