అక్షరటుడే, వెబ్డెస్క్ : Telangana Building Rules | రాష్ట్ర ప్రభుత్వం భవన నిర్మాణ నిబంధనల్లో కీలక మార్పులు చేసింది. టీడీఆర్ (TDR) వినియోగంపై కొత్త మార్గదర్శకాలు విడుదల చేసింది.
ప్రభుత్వం 21 మీటర్లకు పైగా ఉన్న భవనాలను హై రైజ్గా గుర్తించింది. అలాగే 750-2000 చదరపు మీటర్ల ప్లాట్లలో ఉన్న 18-21 మీటర్ల భవనాలకు టీడీఆర్ తప్పనిసరి చేస్తూ ఆదేశాలు జారీ చేసింది. నాన్ హై రైజ్ భవనాలకు సెట్బ్యాక్ సడలింపులు ఇచ్చింది. హై రైజ్ భవనాల్లో 10 శాతం వరకు సెట్బ్యాక్ రిలాక్సేషన్కు అనుమతి ఇచ్చింది.
Telangana Building Rules | అదనపు అంతస్తులకు..
2 వేల చదరపు మీటర్లకు పైగా ఉన్న ప్లాట్లలో అదనపు అంతస్తుల నిర్మాణానికి ప్రభుత్వం అనుమతి ఇచ్చింది. 40 ఫీట్ రోడ్ దగ్గర 3 అదనపు అంతస్తులకు, 60 ఫీట్ల రోడ్డుకు దగ్గర ఉన్న చోట 4 అదనపు అంతస్తులకు, 80 ఫీట్ రోడ్ దగ్గర 5 అదనపు అంతస్తులకు అనుమతి ఇచ్చింది. 10 అంతస్తులపైగా భవనాల్లో TDR వినియోగం తప్పనిసరి చేసింది. 20 ఫ్లోర్లకు పైన ఉన్న ఉన్న భవనాలకు 5 శాతం టీడీఆర్ లోడింగ్ కల్పించింది. భవనం అనుమతులు తీసుకునే సమయంలో 50 శాతం సమర్పించాల్సి ఉంటుంది. ఆక్యుపెన్సీ సర్టిఫికెట్కు ముందు మిగతా 50 శాతం టీడీఆర్ సమర్పణ తప్పనిసరి స్పష్టం చేసింది.
దీనిని కూడా చదవండి : Anirudh Hyderabad Concert | అనిరుధ్ సంగీత సందడి.. ఘనంగా ‘రాక్స్టార్ అనిరుధ్ XV’ కచేరీ
