అక్షరటుడే, హైదరాబాద్: Telangana Congress Women President | తెలంగాణ రాష్ట్ర కాంగ్రెస్ పార్టీలో కీలక నియామకం జరిగింది. తెలంగాణ ప్రదేశ్ కాంగ్రెస్ కమిటీకి అనుబంధంగా పనిచేసే మహిళా కాంగ్రెస్ అధ్యక్షురాలిగా ఎర్రబెల్లి స్వర్ణ Errabelli Swarna నియమితులయ్యారు. ఈ మేరకు ఆల్ ఇండియా కాంగ్రెస్ కమిటీ (ఏఐసీసీ) ఉత్తర్వులు జారీ చేసింది. ఇందుకు సంబంధించి ఏఐసీసీ జనరల్ సెక్రటరీ కేసీ వేణుగోపాల్ K. C. Venugopal శుక్రవారం ప్రకటన రిలీజ్ చేశారు.
Telangana Congress Women President | ప్రోత్సహించేందుకు..
తెలంగాణలో మహిళా కాంగ్రెస్ కార్యకలాపాలను మరింత బలోపేతం చేయాలన్న ఉద్దేశంతో అధిష్ఠానం ఈ నియామకం చేపట్టినట్లు పార్టీ వర్గాలు చెబుతున్నాయి. రాష్ట్రంలో కాంగ్రెస్ మహిళా విభాగాన్ని మరింత చురుకుగా మార్చేందుకు, మహిళా నాయకత్వాన్ని ప్రోత్సహించేందుకు తాజా నియామకం కీలకంగా మారుతుందని పార్టీ వర్గాలు భావిస్తున్నాయి.
మహిళా కాంగ్రెస్ రాష్ట్ర అధ్యక్షురాలిగా బాధ్యతలు చేపట్టిన తర్వాత స్వర్ణ రాష్ట్ర వ్యాప్తంగా మహిళా కార్యకర్తలను సమన్వయం చేస్తూ పార్టీ కార్యక్రమాలను విస్తరించేందుకు చర్యలు చేపట్టే అవకాశం ఉందని నాయకులు చెబుతున్నారు. మహిళామణుల సమస్యలను సర్కారు దృష్టికి తీసుకెళ్లడం, మహిళా హక్కుల పరిరక్షణ కోసం పాటుపడటం వంటి అంశాల్లో స్వర్ణ కీలక పాత్ర పోషించనున్నట్లు పేర్కొంటున్నారు.
