అక్షరటుడే, వెబ్డెస్క్ : Telangana Heavy Rains | రాష్ట్రంలో ఎండలు మండుతున్నాయి. మధ్యాహ్నం పూట కాలు బయట పెట్టలేని పరిస్థితి. ఉక్కపోతతో ప్రజలు ఉక్కిరిబిక్కిరి అవుతున్నారు. ఈ క్రమంలో వాతావరణ శాఖ (IMD) అధికారులు చల్లని కబురు చెప్పింది. రానున్న వారం రోజులు తెలంగాణ వ్యాప్తంగా అక్కడక్కడ మోస్తరు వర్షాలు (Rains) కురుస్తాయని అధికారులు తెలిపారు.
తెలంగాణలో మార్చి 16-20 తేదీల మధ్యలో చాలా జిల్లాలో మోస్తరు నుంచి భారీ వర్షాలు, బలమైన ఉరుములు, మెరుపులు, పిడుగులు, ఈదురుగాలులు, వడగళ్ల వానలు పడే అవకాశాలు చాలా ఎక్కువగా ఉన్నాయి. ఈ నెల 18, 19 తేదీల్లో తీవ్రత అధికంగా ఉంటుంది. గాలివాన, ఈదురుగాలులు, వడగళ్ల వర్షాలు పడే ఛాన్స్ ఉంది. రైతులు తమ పంటలను జాగ్రత్తగా కాపాడుకోవాలని సూచించారు. ముఖ్యంగా కోసిన పంటలను ఆరు బయట నిల్వ చేయొద్దు. ఆరు బయట ఉంటే టార్పాలిన్లు కప్పుకోవాలి.
Telangana Heavy Rains | జాగ్రత్తగా ఉండాలి
వర్షం కురిసే సమయంలో పిడుగులు పడే అవకాశం ఉంది. ప్రజలు ఇళ్లలోనే ఉండాలి. వర్షాలతో పాటు ఈదురుగాలులు వీస్తాయి. చెట్లు, విద్యుత్ స్తంభాలు కూలిపోయే అవకాశం ఉంది. చెట్ల కింద నిలబడొద్దు. విద్యుత్ సరఫరాకు అంతరాయం ఏర్పడే అవకాశాలు ఉన్నాయి.
Telangana Heavy Rains | ఈ జిల్లాల్లో..
రాష్ట్రంలోని మెదక్ (Medak), సంగారెడ్డి, సిద్దిపేట, వికారాబాద్, రంగారెడ్డి, హైదరాబాద్ జిల్లాల్లో ఈ నెల 15 నుంచి 17 మధ్య మోస్తరు నుంచి భారీ వర్షాలు (Heavy Rains) కురుస్తాయి. 40-50 మి.మీ వర్షపాతం నమోదు అయ్యే అవకాశం ఉంది. మిగతా జిల్లాల్లో తేలికపాటి జల్లులు కురుస్తాయి. హైదరాబాద్ (Hyderabad)లో మార్చి 16-17 తేదీలలో మధ్యాహ్నం, రాత్రి సమయాల్లో ఉరుములతో కూడిన వర్షాలు కురిసే అవకాశం ఉంది.
Telangana Heavy Rains | ఆ రోజుల్లో అలెర్ట్..
రెండో దశలో మార్చి 18 నుంచి 20 వరకు వర్షాల తీవ్రత అధికంగా ఉండనుంది. ముఖ్యంగా సంగారెడ్డి, వికారాబాద్, రంగారెడ్డి, హైదరాబాద్, నల్గొండ, సూర్యాపేట, ఖమ్మం, మహబూబ్నగర్, కొత్తగూడెం, వరంగల్, ములుగు, జయశంకర్ భూపాలపల్లి జిల్లాల్లో వానలు దంచికొట్టే ఛాన్స్ ఉంది.
దీనిని కూడా చదవండి : Medak Road Accident | మెదక్ జిల్లాలో ఘోర రోడ్డు ప్రమాదం.. ముగ్గురి మృతి
