అక్షరటుడే, వెబ్డెస్క్ : Telangana Law and Order | ఏ రాష్ట్రమైనా, దేశమైనా అభివృద్ధి చెందాలంటే ఆయా ప్రాంతాల్లో శాంతిభద్రతలు అదుపులో ఉండాలని సీఎం రేవంత్రెడ్డి (CM Revanth Reddy) అన్నారు. శాంతి భద్రతలు లేకపోతే పెట్టుబడులు రావన్నారు. తెలంగాణ పోలీస్ అకాడమీలో పోలీస్ ఆఫీసర్స్ రిట్రీట్-2026 (Police Officers Retreat-2026)లో ఆయన పాల్గొన్నారు.
ప్రజలకు మెరుగైన సేవలను అందించడంలో పోలీసు అధికారుల కృషిని సీఎం రేవంత్రెడ్డి ప్రశంసించారు. రిట్రీట్ ద్వారా అధికారులు సవాళ్లు, సమస్యలు సాధ్యమైన పరిష్కారాలను విశ్లేషించారు. శాంతిభద్రతలు అభివృద్ధికి పునాది అని, శాంతి భద్రతలను కాపాడుకోకుండా ఏ రాష్ట్రం కూడా పురోగతి సాధించలేదని పేర్కొన్నారు. పెట్టుబడులను ఆకర్షించడానికి ప్రభుత్వం ఔటర్ రింగ్ రోడ్ (ORR)లోని 2,100 కి.మీ. ప్రాంతాన్ని కోర్ అర్బన్ రీజియన్గా పరిగణిస్తోందన్నారు. ఆర్థిక వృద్ధి, మౌలిక సదుపాయాలపై దృష్టి సారించిందన్నారు.
Telangana Law and Order | నేరాల స్వభావం మారింది
ఏదైనా సంక్షోభంలో ప్రజలు మొదట పోలీసుల సహాయం కోసం చూస్తారని ముఖ్యమంత్రి పేర్కొన్నారు. పోలీసు వ్యవస్థ ప్రజల విశ్వాసం, పాలనకు కీలకంగా మారుతుందన్నారు. ఉగ్రవాదాన్ని ఎదుర్కోవడానికి, అంతర్గత భద్రతను నిర్వహించడానికి ఆక్టోపస్ (Octopus), గ్రేహౌండ్స్ వంటి వ్యవస్థలను గతంలో ఏర్పాటు చేసినట్లు గుర్తించారు. అవినీతి, భౌతిక నేరాలను నియంత్రించడానికి ఇతర యంత్రాంగాలు ఉన్నాయన్నారు. అయితే ప్రస్తుతం నేరాల స్వభావం మారిపోయిందని ఆయన పేర్కొన్నారు. సైబర్ నేరాలు (Cyber Crimes) వేగంగా పెరుగుతున్నాయని చెప్పారు.
Telangana Law and Order | అప్గ్రేడ్ చేయాలి
ఆధునిక సాంకేతిక పరిజ్ఞానంతో పోలీసింగ్ వ్యవస్థలను అప్గ్రేడ్ చేయాల్సిన అవసరం ఉందని ముఖ్యమంత్రి అన్నారు. బలమైన సాంకేతిక నైపుణ్యాలు కలిగిన అధికారులను నియమించుకోవాలని సూచించారు. సిబ్బందికి సాంకేతికపై శిక్షణ ఇవ్వాలన్నారు. సామర్థ్యాలను అప్గ్రేడ్ చేయకుండా ఆధునిక నేరాలను నిరోధించడం కష్టం అన్నారు. జనాభా అవసరాలకు అనుగుణంగా పోలీస్ సిబ్బంది నియామకం చేపట్టాలని సూచించారు.
