అక్షరటుడే, మెండోరా: TGRJC Admissions 2026 | తెలంగాణ గురుకుల విద్యాలయంలో (Telangana Gurukula Educational Institution) టీజీఆర్జేసీ సెట్ –2026లో భాగంగా అడ్మిషన్లకు దరఖాస్తులు ఆహ్వానిస్తున్నట్లు పోచంపాడ్ టీజీఆర్ఎస్ బాలుర జూనియర్ కళాశాల (TGRS Boys’ Junior College) ప్రిన్సిపాల్ మహిపాల్రెడ్డి సూచించారు. ఈ మేరకు మంగళవారం ప్రకటన విడుదల చేశారు.
TGRJC Admissions 2026 | 2026-27 విద్యాసంవత్సరానికి గాను..
2026–27 విద్యా సంవత్సరానికి గాను ఇంటర్ ఫస్టియర్లో ఎంపీసీ, బైపీసీ గ్రూప్లలో ప్రవేశాల కోసం మే 30న పరీక్ష నిర్వహించనున్నట్లు తెలిపారు. దరఖాస్తులను ఆన్లైన్లో స్వీకరిస్తామని.. మార్చి 16వ తేదీ నుంచి దరఖాస్తుల స్వీకరణ ప్రక్రియ ప్రారంభమైందన్నారు. ఈనెల15లోపు ఆన్లైన్లో దరఖాస్తు చేసుకోవచ్చన్నారు. ఫీజు రూ.200గా నిర్ణయించినట్లు తెలిపారు. ప్రస్తుతం 10వ తరగతి చదువుతున్న విద్యార్థులందరూ ఈ పరీక్షకు అర్హులని, ప్రతిఒక్కరూ ఈ అవకాశాన్ని సద్వినియోగం చేసుకోవాలని ప్రిన్సిపాల్ సూచించారు. గురుకుల విద్యాసంస్థల్లో నాణ్యమైన విద్యతో పాటు మెరుగైన వసతులు అందుబాటులో ఉంటాయని తెలిపారు.
ఇది కూడా చదవండి..: Police Health Camp | పోలీసు సిబ్బంది ఆరోగ్యంపై కూడా శ్రద్ధ చూపాలి: సీపీ సాయిచైతన్య
