Tirumala Forest Fire | తిరుమల కొండల్లో కార్చిచ్చు..

అక్షరటుడే, వెబ్​డెస్క్: Tirumala Forest Fire | కలియుగ దైవం వేంకటేశ్వర స్వామి కొలువైన తిరుమల కొండల్లో కార్చిచ్చు చెలరేగింది. శుక్రవారం ఉదయం కాకులమాను దిబ్బ ప్రాంతంలో ఒక్కసారిగా మంటలు అంటుకున్నాయి.
కొండపై విండ్ మిల్స్ పక్కనే అగ్నికీలలు ఎగిసిపడటంతో వేగంగా వ్యాప్తి చెందాయి. దట్టమైన పొగలు అలుముకున్నాయి. సమాచారం అందుకున్న అగ్నిమాపక సిబ్బంది రంగంలోకి దిగారు. మూడు గంటల పాటు శ్రమించి మంటలను ఆర్పి వేశారు.

Tirumala Forest Fire | వేసవిలో..

వేసవి కాలం ప్రారంభం అయింది. ఇప్పటికే అడవుల్లో చెట్ల ఆకులు రాలి ఎండిపోయాయి. దీంతో చిన్న నిప్పు రవ్వ పడిన మంటలు అంటుకొని కార్చిచ్చుగా మారే అవకాశం ఉంది. ఈ క్రమంలో తిరుమల కొండపై సైతం కార్చిచ్చు చెలరేగింది. అయితే టీటీడీ, (TTD) అగ్నిమాపక సిబ్బంది సకాలంలో స్పందించడంతో మంటలు మరింత వ్యాపించకుండా అడ్డుకున్నారు. దీంతో పెద్ద ప్రమాదం తప్పింది. నిత్యం వేలాది మంది భక్తులు వచ్చే కొండపై కార్చిచ్చు ఆందోళన కలిగించింది. అయితే ప్రతి వేసవిలో ఇలాంటి ఘటనలు చోటు చేసుకుంటాయని స్థానికులు చెబుతున్నారు.

Tirumala Forest Fire | నల్లమలలో..

నాగర్​ కర్నూల్​ జిల్లా (Nagar Kurnool District) అమ్రాబాద్ పులుల అభయారణ్యంలోని బ్రహ్మగిరి రేంజ్ పరిధిలో ఇటీవల కార్చిచ్చు వ్యాపించింది. బ్రహ్మగిరి రేంజ్ తాటిగుండాల సమీపంలో మంటలు చెలరేగి వేగంగా వ్యాపించాయి. మూడు కిలోమీటర్ల మేర విస్తరించగగా.. అగ్ని మాపక సిబ్బంది తీవ్రంగా శ్రమించి ఆర్పివేశారు.

Tirumala Forest Fire | అడవులను కాపాడాలి

ప్రస్తుతం అడవులు అంతరించి పోతున్నాయి. అనేక చోట్ల చెట్లను నరికి వేసి అటవీ భూములను ఆక్రమిస్తున్నారు. దీనికి తోడు ప్రతి వేసవిలో రాష్ట్రంలోని పలు ప్రాంతాల్లో కార్చిచ్చుతో వేలాదిగా చెట్లు కాలిబూడిద అవుతున్నాయి. ఈ క్రమంలో అటవీ శాఖ అధికారులు (Forest Department Officials) చర్యలు చేపట్టాలని పర్యావరణ ప్రేమికులు కోరతుతున్నారు. ముఖ్యంగా అటవీ ప్రాంత శివారు గ్రామాల ప్రజలకు అవగాహన కల్పించాలి. అలాగే అక్కడక్కడ ఎండిన ఆకులను కుప్పలుగా చేసి తగులబెట్టాలి. అలా అయితే మంటలు అంటుకున్న అక్కడ వరకు వచ్చి ఆగిపోయే అవకాశం ఉంటుంది.

ఇది కూడా చదవండి..: Alipiri Walkers Protest | అలిపిరి మార్గంలో వాకర్ల ఆందోళన.. నగరవనం ప్రవేశ రుసుముపై రాస్తారోకో, ట్రాఫిక్ జామ్