అక్షరటుడే, వెబ్డెస్క్ : Trump Oil Price Comments | చమురు ధరల పెరుగుదలపై అమెరికా అధ్యక్షుడు డోనాల్డ్ ట్రంప్ (Donald Trump) కీలక వ్యాఖ్యలు చేశారు. ప్రస్తుత పరిణామాల దృష్ట్యా చమురు ధరలు పెరుగుతున్నాయని ట్వీట్ చేశారు.
పశ్చిమాసియాలో ఉద్రిక్తతలు కొనసాగుతున్న విషయం తెలిసిందే. ఇరాన్పై ఇజ్రాయెల్, అమెరికా దాడులు (American Attacks) చేపట్టగా.. టెహ్రాన్ సైతం ప్రతిదాడులు చేస్తోంది. చమురు రవాణాకు కీలకమైన హార్ముజ్ జలసంధిని ఇరాన్ మూసి వేసింది. అంతేగాకుండా గల్ఫ్ దేశాలపై దాడులు చేపడుతోంది. దీంతో ఆ దేశాలు చమురు ఉత్పత్తిని తగ్గించాయి. ఫలితంగా ముడి చమురు ధరలు భారీగా పెరిగాయి. ఈ క్రమంలో ట్రంప్ కీలక వ్యాఖ్యలు చేశారు.
Trump Oil Price Comments | కొద్ది రోజులే..
ముడి చమురు ధరల పెరుగుదల స్వల్పకాలికమేనని అమెరికా అధ్యక్షుడు పేర్కొన్నారు. ఇరాన్ అణు ముప్పు తొలగిన అనంతరం అవి పడిపోతాయని ‘ట్రూత్’లో పోస్ట్ చేశారు. కాగా సోమవారం చమురు ధరలు దాదాపు 20 శాతం పెరిగాయి. జూలై 2022 తర్వాత వాటి గరిష్ట స్థాయికి చేరుకున్నాయి. ప్రస్తుతం బ్యారెల్ క్రూడ్ ఆయిల్ (Crude Oil) ధర 100 డాలర్లకు చేరుకుంది.
Trump Oil Price Comments | కొనసాగుతున్న దాడులు
ఇరాన్, ఇజ్రాయెల్ దాడులు కొనసాగుతున్నాయి. ఇజ్రాయెల్ సైన్యం ఆదివారం తెల్లవారుజామున లెబనీస్ రాజధానిలో ఇరానియన్ కమాండర్లను తాకినట్లు తెలిపింది. ఖమేనీ స్థానంలో ఎవరు వచ్చిన అంతం చేస్తామని ఇజ్రాయెల్ ప్రకటించింది. అయితే ఖమేనీ కుమారుడు ఇరాన్ సుప్రీం లీడర్గా ఎన్నికయ్యారు. మరోవైపు ఇరాన్ సైన్యం, పాలకులు తుడిచిపెట్టుకుపోయిన తర్వాతే యుద్ధం ముగియవచ్చని ట్రంప్ అన్నారు.టెహ్రాన్లోని ప్రధాన చమురు నిల్వ కేంద్రాలను ఇజ్రాయెల్ క్షిపణులు (Israel Missiles) లక్ష్యంగా చేసుకున్నాయి. ఇరాన్ రాజధానికి పశ్చిమాన ఉన్న ఎయిర్ డిఫెన్స్ కమాండ్ సెంటర్ను కూడా ఇజ్రాయెల్ రక్షణ దళాలు ధ్వంసం చేసినట్లు సమాచారం.
ఇది కూడా చదవండి..: US Tornado Outbreak | అమెరికాలో టోర్నడో బీభత్సం.. ఆరుగురు మృతి
