అక్షరటుడే, వెబ్డెస్క్: Trump Warns Iran | అమెరికా అధ్యక్షుడు డొనాల్డ్ ట్రంప్ మధ్యప్రాచ్యంలో జరుగుతున్న పరిణామాలపై స్పందించారు. ఘర్షణల తీవ్రతరమవుతున్న నేపథ్యంలో కీలక ప్రకటన చేశారు. ఖతార్పై జరిగిన దాడి నేపథ్యంలో ఇరాన్కు స్ట్రాంగ్ వార్నింగ్ (Trump Warns Iran) ఇచ్చారు. ఈ మేరకు తన సోషల్ మీడియా ప్లాట్ఫాం అయిన ‘ట్రూత్’లో పోస్టు చేశారు.
మధ్యప్రాచ్యంలో ఇటీవల జరిగిన సంఘటనలపై ఆగ్రహంతో ఇజ్రాయిల్ ఇరాన్లోని సౌత్ పార్స్ గ్యాస్ ఫీల్డ్పై దాడి చేసిందని ట్రంప్ పేర్కొన్నారు. ఈ దాడిలో ఆ భారీ గ్యాస్ క్షేత్రంలో చిన్న భాగాన్ని మాత్రమే లక్ష్యంగా చేసుకున్నట్లు వెల్లడించారు.
Trump Warns Iran | అమెరికా, ఖతార్ పాత్రపై స్పష్టత
అయితే.. ఈ దాడిపై అమెరికాకు ఎలాంటి ముందస్తు సమాచారం లేదని, అది తెలియకుండానే జరిగిందని ట్రంప్ తెలిపారు. అలాగే ఖతార్ దేశం ఈ దాడిలో ఏ విధంగానూ పాల్గొనలేదని రాసుకొచ్చారు. దానికి సంబంధించిన ఎలాంటి సమాచారం కూడా లభించలేదని స్పష్టం చేశారు.
Trump Warns Iran | ఇరాన్ ప్రతీకార దాడి..
అయితే, ఇరాన్ వాస్తవాలను తెలుసుకోకుండా, తప్పుడు అవగాహనతో ఖతార్లోని ఎల్ఎన్జీ గ్యాస్ సౌకర్యాలపై అనవసరంగా దాడి చేసిందని ట్రంప్ ఆరోపించారు. ఇకపై సౌత్ పార్స్ గ్యాస్ ఫీల్డ్పై ఇజ్రాయిల్ దాడులు చేయబోదని ట్రంప్ ప్రకటించారు. అయితే ఇరాన్ మరోసారి ఖతార్పై దాడి చేస్తే పరిస్థితి మారుతుందని తీవ్రంగా హెచ్చరించారు. అలాంటి పరిస్థితిలో అమెరికా, ఇజ్రాయిల్ సహకారంతో సౌత్ పార్స్ గ్యాస్ ఫీల్డ్ మొత్తాన్ని భారీస్థాయిలో నాశనం చేస్తామని ప్రకటించారు. ఇరాన్ ఇప్పటివరకు ఊహించని రీతిలో దాడి జరుగుతుందని చెప్పారు.
మరోసారి ఇలాంటి చర్యలకు పాల్పడొద్దు..
తీవ్రమైన విధ్వంసక చర్యలకు తాను ఇష్టపడడం లేదని ట్రంప్ తెలిపారు. ఇరాన్ భవిష్యత్తుపై దీర్ఘకాలిక ప్రభావాలు ఉండే అవకాశం ఉన్నందున ఇలాంటి నిర్ణయం తీసుకోవడం తనకు ఇష్టం లేదని పేర్కొన్నారు. అయితే ఖతార్ ఎల్ఎన్జీ ప్లాంట్లపై మరోసారి దాడి జరిగితే మాత్రం.. ఇక ఏమాత్రం ఆలస్యం చేయకుండా తీవ్రమైన చర్యలు తీసుకుంటానని స్పష్టం చేశారు.
కాగా.. మధ్యప్రాచ్యంలో పరిస్థితులు తీవ్రంగా మారుతున్న నేపథ్యంలో ప్రపంచ దేశాల్లో ఆందోళన నెలకొంది. చమురు, గ్యాస్ సరఫరాలో సంక్షోభం నెలకొనే పరిస్థితులు కనిపిస్తున్నాయి. ఇది ఇతర దేశాలను కలవరపాటుకు గురిచేస్తోంది.
US President Donald Trump says, “Israel, out of anger for what has taken place in the Middle East, has violently lashed out at a major facility known as South Pars Gas Field in Iran. A relatively small section of the whole has been hit. The United States knew nothing about this… pic.twitter.com/HgxSQazZPa
— ANI (@ANI) March 19, 2026
ఇది కూడా చదవండి..: Iran Missile Attacks | ఇరాన్ దాడులతో దద్దరిల్లిన గల్ఫ్.. ఖతార్లోని రస్లఫాన్ రిఫైనరీలపై బాంబుల వర్షం!
