అక్షరటుడే, వెబ్డెస్క్: US Iran Conflict | అమెరికా అధ్యక్షుడు డొనాల్ ట్రంప్ సంచలన ప్రకటన చేశారు. ఫిబ్రవరి 28న ఇరాన్తో మొదలైన సంఘర్షణ తర్వాత తొలిసారి జాతిని ఉద్దేశించి ప్రసంగించారు. ఈ సందర్భంగా ఆయన మాట్లాడుతూ అమెరికా దళాలు టెహ్రాన్ సైనిక వ్యవస్థను తీవ్రంగా దెబ్బ తీశాయని వెల్లడించారు. త్వరలోనే లక్ష్యాలను సాధించి ‘పని పూర్తి’ చేయబోతున్నామని పేర్కొన్నార. తమ ముఖ్య ఉద్దేశాలు దాదాపు పూర్తవుతున్నాయని వెల్లడించారు.
US Iran Conflict | ఇరాన్ కీలక నాయకత్వం అంతం
ఇరాన్ కీలక నాయకత్వంతో పాటు, ఆ దేశ నాకౌదళం, ఎయిర్ ఫోర్స్ను నాశనం చేశామని ట్రంప్ తెలిపారు. ఆ దేశ ప్రాంతీయ మద్దతు గ్రూపులను బలహీనపర్చామన్నారు. అలాగే అణు ఆయుధాలు తయారు చేసుకోకుండా అడ్డుకోవడం వంటి లక్ష్యాలతో ముందుకు సాగుతున్నామని చెప్పారు.
US Iran Conflict | ఇరాన్ వనరుల కోసం యుద్ధం చేయడం లేదు
తమ సైనిక చర్యలు ఇరాన్ ఆయిల్, సహజ వనరుల కోసం కాదని ట్రంప్ స్పష్టం చేశారు. ఆ ప్రాంతంలోని తమ మిత్రదేశాలను రక్షించడమే దీని వెనుక ప్రధాన ఉద్దేశమని వివరించారు. ‘‘మాకు వారి ఆయిల్ గానీ, వారి వద్ద ఉన్న ఏ వనరూ అవసరం లేదు” అని ఆయన పేర్కొన్నారు. అమెరికా సహచరులకు మద్దతు ఇవ్వడం కోసమేనని తెలిపారు.
ఆపరేషన్ ఎపిక్ ఫ్యూరీ కొనసాగుతుంది..
‘ఆపరేషన్ ఎపిక్ ఫ్యూరీ’తో ఇరాన్ ఆయుధ సామర్థ్యాలు గణనీయంగా తగ్గిపోయాయని ట్రంప్ పేర్కొన్నారు. ఆ దేశం క్షిపణులు, డ్రోన్లు ప్రయోగించే సామర్థ్యం భారీగా తగ్గిందన్నారు. ఆయుధ తయారీ కర్మాగారాలు, లాంచ్ వ్యవస్థలు తీవ్రంగా ధ్వంసమవుతున్నాయని ఆయన వెల్లడించారు. మా లక్ష్యాలు పూర్తయ్యే వరకు కార్యాచరణ కొనసాగుతుందని స్పష్టం చేశారు. వచ్చే రెండు-మూడు వారాల్లో ఇరాన్పై భారీ దాడులు చేస్తామని ప్రకటించారు. వారిని రాతి యుగానికి తీసుకెళ్తామని వ్యాఖ్యానించారు.
హర్మూజ్తో పనిలేదు
ఇంధన రవాణాలో కీలకమైన హర్మూజ్ జలసంధి గురించి ట్రంప్ కీలక వ్యాఖ్యలు చేశారు. ఆ జలసంధిపై యూఎస్ ఆధారపడడం లేదని పేర్కొన్నారు. భవిష్యత్తులో కూడా దాని అవసరం తమకు ఉండదని వెల్లడించారు. అయితే దీనిపై ఆధారపడ్డ దేశాలే ధైర్యాన్ని కూడగట్టుకుని జలసంధిని చూసుకోవాలని వ్యాఖ్యానించారు. తమ మిత్రదేశాలకు ఎలాంటి హాని జరగకుండా చూసుకుంటామని హామీ ఇచ్చారు.
President Trump delivered a primetime address to the nation on Wednesday, touting U.S. military operations against Iran. https://t.co/o7rjXBf2o5 pic.twitter.com/SctsUZXwHn
— ABC News (@ABC) April 2, 2026
ఇది కూడా చదవండి..: NATO Alliance | నాటో ‘కాగితపు పులి’.. దాని నుంచి వైదొలుగుతాం..: ట్రంప్
