అక్షరటుడే, వెబ్డెస్క్ : US Tornado Outbreak | అమెరికా (America) లోని మిచిగాన్ (Michigan), ఒక్లహోమాలను టోర్నడో బీభత్సం సృష్టించింది. 241 కిలోమీటర్ల వేగంగా గాలులు వీచాయి. దీంతో వందలాది చెట్లు నెలకొరిగాయి. ఇళ్లు కూలిపోయాయి. టోర్నడో ధాటికి ఆరుగురు మరణించగా, 12 మందికిపైగా గాయపడ్డారు.
దక్షిణ మిచిగాన్లో 12 ఏళ్ల బాలుడితో సహా నలుగురు మరణించారని, ఒక్లహోమాలో ఇద్దరు మరణించారని అధికారులు తెలిపారు. రెస్క్యూ సిబ్బంది నష్టాన్ని అంచనా వేస్తున్నారు. టోర్నడో కారణంగా చెట్లు, విద్యుత్ లైన్లు కూలిపోయాయి. భవనాలు దెబ్బతిన్నాయి. కొన్ని ఇళ్ల పైకప్పులు లేచిపోయాయి.
US Tornado Outbreak | నిలిచిన విద్యుత్ సరఫరా
గ్రేట్ ప్లెయిన్స్ నుంచి టెక్సాస్ వరకు ఉరుములు, మెరుపులతో కూడిన వర్షాలు, ఆకస్మిక వరదలు వచ్చే అవకాశం ఉందని అధికారులు హెచ్చరించారు. మిచిగాన్లో సుడిగాలి ప్రభావతంతో యూనియన్ సిటీ సమీపంలో ముగ్గురు మరణించారని, 12 మంది గాయపడ్డారని బ్రాంచ్ కౌంటీ షెరీఫ్ విభాగం తెలిపింది. దీని ప్రభావంతో విద్యుత్తు అంతరాయం, రోడ్డు మూసివేతలు ఉంటాయని అధికారులు తెలిపారు. విద్యుత్ స్తంభాలు నేలకూలడంతో వందలాది మందికి విద్యుత్ సరఫరా నిలిచిపోయింది.
మిచిగాన్ గవర్నర్ గ్రెట్చెన్ విట్మెర్ బ్రాంచ్, కాస్ సెయింట్ జోసెఫ్ కౌంటీలకు రాష్ట్ర అత్యవసర పరిస్థితిని ప్రారంభించినట్లు చెప్పారు. పరిస్థితిని పర్యవేక్షించడానికి, ప్రభావితమైన వారికి చేయూత అందించడానికి అత్యవసర బృందాలతో కలిసి పని చేస్తున్నట్లు చెప్పారు. అధికారులు సహాయక చర్యలు చేపట్టారు. రోడ్లపై పడ్డ చెట్లను తొలగిస్తున్నారు.
దీనిని కూడా చదవండి : Israel Iran Attacks | ఇరాన్ ఆయిల్ డిపోలపై ఇజ్రాయెల్ దాడులు
